Diyarname
Şaxa Kurdî-Dera Amedê 4'emîn Kongreyê Kongreya Xwe ya Asayî li dar xist. Di kongreya ku yek lîste kete hilbijartinê de Sabahattin Gultekîn ji bo serokatiya Kurdî-Dera Amedê hat hilbijartin.

Kongreya Kurdî-Dera Amedê li Salona Konferansê ya Şaredariya Baglarê li dar ket. Di kongreyê de pankartên wekî "Ziman ji bo mirovan bi qasî nan, av û hewayê girîng e", "Ziwan rûmet o ziwan kesayetî yo ziwan nasname yo" û "Aştiyeke mayînde bi azadbûna zimanê kurdî pêkan e" daliqandin.

Endamê Meclisa Daîmî ya KCD'ê Osman Ozçelik, rêberên Kurdî-Derê, mamosteyên Kurdî-Derê yên bajarên derdorê yên herêmê, nûnerên GUNSİAD, Nubihar, KADEP û DDKD û gelek kesên din di kongreyê de amade bûn.

Serokê Kurdî-Dera Amedê yê berê Burhan Zoroglu axivî, komkujiya Meraş û Roboskî bibîr xist. Zoroglu got ku heta niha kî xwedî li zimanê xwe derketiye dewleta Tirkiyeyê ew tewqîf kiriye.

Piştî axaftina hilbijartin pêk hat û Sabahattin Gultekin ji bo serokatî hat hilbijartin.