Diyarname
Şêwirmendê Serokomariya Sûriyeyê Mazlum Abdî ji bo sê saziyên çapemeniyê yên ji Bakûr çûbûn axivî. Ji Îlke TV Banu Guven, ji Spotbasinê Îrfan Aktan û ji rojnameya Yeni Yaşamê Nezahat Dogan li Rojava bûn mêvanê Ebdî û ligel wî hevpeyvîn kirin.
Ji hevpeyvînê xalên derketine pêş me dan hev.
Va ne ew xal:
- Di pêvajoya avakirina Sûriyeya nû de, divê kurd di qada siyasî û rêveberiyê de cihê xwe yê mafdar bigirin. 

SÛRIYEYA NÛ, MAFÊN KURDAN
- Piştî 15 salên şer û bendêlên giran, armanca me ya sereke parastina destkeftiyan e. Eger Sûriye ji nû ve tê avakirin, divê kurd di vê avakirinê de bi nasnameya xwe cih bigirin û mafên xwe garantî bikin.”

MESELEYA TASFIYEYA HSD'Ê
-  Hêza me ku 15 salan parastina van axan kir, niha bi awayekî fermî tevlî Artêşa Sûriyeyê bûye. Armanca me ew e ku parastina herêmê û gelê xwe di çarçoveyeke nû û fermî de bidomînin.
- Valayi

'ZIMANE KURDÎ XETA ME YA SOR E'
- Di dîroka Sûriyeyê de cara yekê ye zimanê kurdî di nava perwerdehiyê de bi awayekî fermî cih digire. Ev gava hatiye avêtin ji bo me ne bes e. Zimanê Kurdî xeta me ya sor e. Tevî ku statuya ziman hatiye qebûlkirin jî, li gorî sîstema ku me di van 15 salên dawî de ava kiribû hîn kêmasî hene. Ji bo mafên çandî û perwerdehiya zimanê zikmakî têkoşîna me dê bi biryarî bidomîne.

VEGERA EFRÎN Û SERÊKANIYÊ
- Ji bo vegera ewle ya koçberan û çareserkirina pirsgirêkên asayîşê hewldanên me didomin. Ji bo parastina mafên gelê kurd li hemû herêman, me bi rayedarên Sûriyeyê re di nava diyalogê de ne û armanca me ew e ku ewlehî û aramî ji bo hemû pêkhateyan bê mîsogerkirin.

BANGA YEKÎTIYÊ
- Pêwîst e gelê me û hemû pêkhateyên Sûriyeyê bi hêviyeke mezintir li pêşerojê binêrin. Bi yekîtî, rêxistinbûn û têkoşîneke hevpar em dikarin siberojeke azad û demokratîk ava bikin.