Diyarname
Ban Kultur ji bo wan bibe Festîvala Beyond the Black Box bangek kir; ji kesên serî lê bidin dê 5 hunermendên ciwan ên bi şanoyê re eleqedar hilbijêrin û bibin festîvalê.

Bang bi sernavê “Bangawazî: Rêwîtiya Derveyî Sînoran” hatiye amadekirin û wisa hatiye gotin, “Ban Kultur, ligel dengên ciwan û navdîsiplînî, bi yek ji platformên herî navdar a Ewropayê Festîvala Beyond the Black Box re dicivîne. Di vê rêwîtiya ku li bajarê Antwerpen ê Belçîkayê pêk tê, em li 5 hunermendên ciwan ên dixwazin şanoya xwe bigihînin qada navneteweyî û bi hunermendên ewropî re têkiliyê deynin digerin. Banga me ji bo hunermendên ku li Amed, Mêrdîn, Êlih û Wanê dijîn an jî bi van bajaran re girêdayî ne hatiye amadekirin. “

Festîvala  Beyond the Black Box qadeke ji bo şanogeran e ku ji şêwazên klasîk ên şanoyê dertê, li ser xebatên taybet yên cih û performansa hunerê disekine. Ev festîval mala hilberînên orîjînal û cesur e. Festîval di navbera  11–17’yê gulana 2026’an de li Monty, Antwerpen, Belçîk’yê li dar bikeve. Mijara bingehîn a festîvala îsal  “Xebatên cih-taybetî, performans û ceribandinên navbera disîplînan e.

Kesên bi qadên wekî hunerên dîtbarî, performans, dans, şano, hunera deng, vîdeo-art, enstalasyon an jî hunerê bi van qadan re têkildar hilberînî dikin dikarin serî lê bidin. Kesên serî lê bidin divê temen di navbera 20-35’an de be. Ji bo kesên bêne hilbijartin hemû lêçûyînan digire ser xwe.

Yên bixwazin heta 12’yê avrêla 2026’an divê serîlêdana xwe bikin ku ev roj roja dawî ye.
Ji bo têkilî:
info@bankultur.com