Diyarname
Amedsporê di maça hefteyan 25'an de li mala xwe Sakaryaspor kir mêvan. Maç bi 1-1'ê bi dawî bû û piştî maçê klûbê peymana teknîk dîrektor betal kir.

Dema maçên hefteya 25'an dest pê kirin Amedspor bi 49 pûanan lîder, Erzurum bi 48 pûanan duyemîn û Erokspor bi 47 pûanan sêyemîn bû. Erzurumê li mala xwe Adana Demirspor bi 7-0 têk bir 3 pûanên xwe girtin, bi maçek zede bû lîder.
Amedspor li mala xwe wê Sakarya bikira mêvan. Sakaryaspora ku di rêzeyên jêrîn de, ji bo di lîgê de bimîne ber xwe dide û jêre pûan lazim bûn. Her ku Amedspor e ji bo dîsa li kursiya lîderiyê rûne teqet divê bi ser biketa. Lê Amedsporê bi vê hesasiyetê nelîst.

Amedspor di deqîqeya 45'an de bi golana Hasanî bi 1-0 derket pêş lê hê wêdetir nebir heta ku 74'an de nikarî pêşî li gola Poyraz Yildirim bigire.
Bi vê 1-1'ê Amedspor bi 50 pûanan û bi avaraj di rêza duyemîn de cih girt girt, Erokspor bi 50 pûanan di rêza sêyemîn de cih girt

PEYMANA TEKNÎK DÎREKTOR BETAL KIRIN
Piştî maçên xirecir derket. Li gor hin îdîyana dema teknîk dîrektor Sinan Kaloglu ji otobulê daketiye kesek êrîşê wî kiriye. Li aliyê din li nav tora civakî gelek kes ji Kaloglu aciz bûn.
Îstatîstîkek din a li ser tîmê jî ev e; di hefteya 20'î de Amedspor bi 42 pûanan yekemin, Erzurun bi 36 pûanan 4'emîn bû û hat Amedspor derbas kir. Êvara 15'ê mehê rêeveberiya qlûbê hevdîtin Çêkirin û peymana teknîk dîrektorî ya Sinan Kaloglu û cîgirên wî betal kirin.

Klûbê roja 9'ê kewçêra 2025'an Teknîk dîrektor Sinan Kaloglu anî Amedê û di hefteya 5'an a lîgê de Kaloglu bi tîmê re derket serhayê.

Karneya Sinan Kaloglu bi vî renggî de; di 21 maçan de 12 caran bi ser ketiye, 7 caran wekhev maye, 2 caran têkçûye. Ya xirabtir ev e; Sakaryaya ku ber bi têkçûna ji lîgê de li mala wê Amedspor têk çû, li mala xwe jî wekhev ma, yanê 4 pûan tenê li hemberî vî tîmî winda kir. Erzeroma ku reqîbê sereke ye li mala wê têk çû; di maça beramberî 6 pûanan de ye dest vala vegeriya mal. Li Sêwasê bîlesebeb puan winda kirin. 
Di maçên bi ser ketine de jî ji bilî maça Adana Demirê, maçên din hemû bi zehmetî derbas bûne. Vê yekê kir ku temaşevan ji vê lîstikê û ji teknîk dîrektor aciz bin.

Ji bo lîg temam bibe 13 hefte mane. Di van 13 hefteyan de wê kî tîmê bi rê ve bibe, wê bikaribe baştir bi rê ve bibe, wê bikaribe tîmê bike şampiyon yan na, ev pirs hemû li holê ne.