Diyarname
Li Diyarbakirsporê piştî teknîk dîrektorê lîstikvanan jî klûb terk kir.

Diyarbakirspor ev 3 sal in di nav zehmetiyan de ye û her ku diçe ber bi paş ve diçe û dikeve komên jêrtir. Diyarbakirspor niha di Lîga 3'yem Koma 3'yem de ye. Ger îsal jî têk here dê bikeve Lîga Amatoran. Di van demên dawî de 4 caran kongre li dar xist lê kes lê xwedî derneket. Teknîk Dîrektor Enver Aylak hefteyên borî dest ji kar berda. Vê carê jî lîstikvanan diyar kir ku pereyên xwe negirtine û ji klûbê derketin çûnb

Midûrê Jimarkarî yê Diyarbakirsporê Îsmet Marsîl li ser rewşa dawî ya klûbê wisa got: "Komeleya Diyarbekiriyên Kocaelî li hotelê ji bo me cih veqetandin, gotin hemû mesrefê digirin ser milên xwe. Lê lîstikvanan terka klûbê kir. Roja yekşemê emê bi Darica Gençlerbirligi re bilîzin lê me bilêtên balafirê negirtin. Bilêt hebin jî lîstikvan nîn in. Hewlek ku divê lîstikvanan nekira, kirin."

Kaptanê tîmê Ali Yildirim jî wisa got: "Ji bo temaşekirina maça Diyarbekir Buyuk Şehir Belediye û çaykur Rizesporê em çûn Seyrantepeyê, lê di bêrîka me de pere nîn bû, em peya vegeriyan. HEta em li hemberî xwe muxatabek nebînin emê veengerin klûbê. Emê neçin maça Darica Gençlerbirligi jî. Ev ne biryara min tenê ye, yê hemû lîstikvanan e."