Silêmanî
Roja 5'ê mehê li Kargeha Çandî ya Silêmanî pêşangehek hunerî bi navê “Xetên Min Bîranînek Zindî ye” hate vekirin. Tawanên Enfalê û neheqiyên rejîma Baas a Iraqê ya li dijî gelê kurd bi rêya tabloyan û belgefîlman hatin nîşandan. Di pêşangehê de tabloyên Osmah Qadir hatine pêşkêşkirin.

Hunermend Osman Qadir li ser pêşangehê ji bo Rojnewsê axivî û got: “Ev projeyek belgefîlm a tarî ye ku min hewl da ku sûcên li dijî gundan hatine kirin bi awayekî akademîk tomar bikim. Ji ber ku wêne û vîdyoyên trajediya Enfalê kêm in û piraniya bûyeran tenê car caran hatine vegotin. Ev berhem arşîveke jiyanî ye û ji dema pêlên Enfalê ve hatiye berhevkirin. Armanca wê ya sereke ew e ku nifşê nû bi trajediya mezin a ku bi serê kurdan de hatiye bide nasîn.”

Her wiha hunermend got, “Huner rêya herî baş e ji bo vegotina dîrokê û parastina çand û zimanê me, da ku nifşên pêşerojê rabirdûya xwe bizanin û şaşiyên rabirdûyê neyên dubarekirin" û ev yek lê zêde kir, "Her wiha, hüner bi planeke nû ji bo parastina kurdan ji karesateke din, ber bi pêş ve biçin jî karek baş e.”

Pêşangeh dê heta 20’ê mehê ji bilî roja yekşemê wê her roj vekirî be.