Diyarname

Li Tirkiyeyê di dibistanên polên 5-6-7 û 8'an de dema hilibjartina (neqandina) dersa bi kurdî (kurmancî, kirmanckî) dest pê kir. Niha 3 agahiyên nû li ser vê hene:

HDP'ê daxuyanî da

Di nûçeya çend roj berê me belav kir de însiyatîfa mamosteyê kurdî û dildarên kurdî bang li malbatên kurdan kiribûn ku dema hilbijartina dersê hatiye, dersê hilbijêrin. Li ser vê yekê Berdevka Komîsyona Şopandina Nexşerêya Kurdî Dersim Dag îro bi kurmancî û kirmanckî daxuyaniyeke belav kir û bang li malbatan kir ku dersa kurdî hilbijêrin. 

Walîtî civîn çêkir

Li aliyê din îro Walîtiya Amedê ligel hin midûrên dibistanên Amedê civîn çêkiriye û gotiye ku ji bo dersa hilbijartî divê dersên olî derxin pêş. Hat îdîakirin walîtî ji bo pêşî li dersên hilbijartî yên kurdî bigire ev dersên din derxistine pêş û xwestine midûr wan derxin pêş.

Dîwanek li ser twitterê

Em wekî Diyarname jî piştgirî didin dersa hilbijartinî ya kurdî. Li ser meseleyê ligel nûçeyên xwe, roja 8'ê mehê saet 22'yan de (li gor saeta Amedê) emê li dîwana twitterê sohbeteke li ser vê meseleyê saz bikin. Kesên eleqedar dê li ser biaxivin. Yên bixwazin dikarin werin sohbetê.

***
Nûçeya Eleqedar:

- Mamoste Nado: Bi lezgînî gere em dersên kurdî hilbijêrin

 ****

MAIL: diyarname@diyarname.com