Diyarname
Li Swîsreyê di dema şahiya sersalê de teqîn çêbû; heta niha hat ragihandin ku zêdeyî 40 kesî mirine. Hejmara birîndaran dor 115 ye ku gelek jî bi giranî birîndar bûne. Va ne agahî:

- Li navçeya Crans-Montana ku navçeyeke navenda kaşbaziyê ye di dema pîrozbahiya sersalê de teqîn çêbû.

- Berdevkê polîsan dibêje li jêrqatê şewatê dest pê kiriye.

- Hin şahid dibêjin mûmên ji bo rojbûnê bûne sedema şewatê.

- Li herêmê biryara qedexeya ji bo firînê hat girtin.

- Li gor agahiyên dawî zêdeyî 40 kesî mirine. Dor 115 birîndar hene ku gelek ji wan birîna wan giran e.

- Dozgerê Siwîsrî gotiye em ne bawer in meselaya êrîşê bê, rayedar derbarê derketina şewatê de lêkolîna xwe didomînin.

- Rojnameya Telegraph nivîsandiye ku li cihê kaşbaziyê ku teqîn lê çêbûye ji 100'î zêdetir mirov hebûne. Gaetan Lathion ku Berdevkê polîsan ê kantona Wallis e serê sibê gotibû, "Em hê nizanin ji ber çi teqîn çêbûye. Em hê li destpêka lêpirsînê ne. Ev der navendeke nasyar a kaşbaziyê ye ku gelek turist tên vê derê."

- Cihê bûyer lê qemiyî cihê 400 kesî ye. Tê gotin ku bi ser 100 kesî re mirov li avahiyê hebûne, lê ev hejmar tam ne zelal e.

- Nêzî 60 birîndaran niha li Nexweşxaneya Sionê ku girêdayî Nexweşxaneya Zanîngeha Lozanê ye tene dermankirin. 

-  Li nexweşxaneya Valaisê jî birîndar hene.

- Ji gelek welatan daxuyaniyên piştgiriyê hatin belavkirin.

- Midûrê polîsên kantona Valaisê Frêdêric Gisler got, "Duh bi şev trajediyeke mînaka wê tune ye çêbû."

- Şaredarê Crans-Montana Nicolas Freud got, "Şahiya îşev bû trajedî. Em di nav xemgînî û tirsê de ne. Kesên me ji wan hez dikir me ji dest dan. Em êşa malbatan û êşa birîndaran hîs dikin."

Serokomarê Fransayê Emmanuel Macron li Serokomarê Swîsreyê Guy Parmelin geriya û got, "Em wekî Fransa qebûl dikin ku birîndaran bigirin nexweşxaneyên xwe û derman bikin. Emê her cure alîkariyê bikin. Ez sipasiya komên tenduristiyê dikim."

Ev nûçe herî dawî saet 22.00'an de hatiye nûkirin.

Not di nûçeyê de ji malpera "20 Minutes" sûde hatiye girtin