Diyarname
Ji bo merasima dawîlêanîn û xelatdayîna 3'yemîn Festîvala Fîlman a Amedê li ÇandAmedê merasimek lidar ket. Fîlmên bi ser ketin hatin xelatkirin.
Festîval ji aliyê Şaredariya Bajarê Mezin a Amedê, Akademiya Sînemayê ya Rojhilata Navîn û Sinebîrê ve hat organîzekirin. Endama komîteya amadekar Lîsa Çalan axivî, diyar kir ku ew hatine dawiya 8 rojên bi nîşandayîna fîlman, li dar xistina atolyeyan û got, "Di her çîrokê de me xwe û beşek ji xwe dît. Me dît çîrok ne cuda ne. Dibe zimanên me, axaftinên me cüda bin lê armanca me yek bû.
Çalan got ku ew dixwazin bi hezaran çîrokan bikin fîlm, lê li cihê ku şer hebe ev yek ne mimkûn e û wiha got, "Ev çîrok bi aştiyê dê şîn bibin. Em amadekarên festîvalê piştgiriya pêvajoya aştiyê ya didome dikin. Bi hezaran silav bo avakarê vê pêvajoyê. Bijî sinemaya azad û şoreşger."
Hevşaredara Bajarê Mezin a Amedê Serra Bucak jî di axaftina xwe de got ku salabê Festîvala FîlmAmedê wê li salonên din jî, li gelek aliyên bajêr bê temaşekirin, ez vê sozê ji vir didim.
Li ser navê juriya fona Projeya Sînebîrê Berfîn Emektar axivî, diyar kir ku 64 projeyên fîlm û belgefîlm bo wan hatin, 15 wan hilbijartin û di her kategoriyê de xelat dane.
Piştî axaftinan berhemên ku serketine hatin eşkere kirin û hatin xelatkirin.
Va ne fîlmên bi ser ketine:
FÎLMÊN KURDÎ YÊN METRAJDIRÊJ:
- Xelata Taybet A Jurîyê: Zalava / Arsalan Amîrî
- Xelata Sirri Sureyya Onder a Senaryoyê: Ezmûn / Şewket Emîn Korkî, Mohammed Reza Gohari
- Xelata Berxwedanê ya Yilmaz Guney: Sonne / Kurdwîn Eyûb
- Xelata Keziyên Serhildêr: The Virgin And Child / Binevşa Bêrîvan
- Xelata Kadraja Çeleng: Berîya Şevê / Alî Kemal Çinar
- Xelata Dîmensaziya Afirîner: Cîran / Stehpane Kuthy
BEŞA BELGEFÎLMAN:
- Xelata Taha Kerîmî Xalko / Sami Mermer-Hind Benchekroun
- Xelata Taybet a Juriyê: All The Mountains Give / Arash Raksha
BEŞA KURTEFÎLMAN:
- Xelata Taybet a Juriyê: Garan / Mahsum Taşkin
- Xelata Mensûr Kerîmyan: Kawyar / Salem Salavatî
- Xelata Mansiyonê ya Zîlan Hamo: Sêgoşe / Jîno Hadî Hesen
BEŞA PIŞTGIRIYÊ:
- Fîlmê Metrajdirêj-Xelata Piştgiriya Projeyan a Sînebîrê: Dîroka Wenda / Alî Kemal Çinar
- Kurtefîlm - Xelata Piştgiriya Projeyan a Sînebîrê: Tarî û Ronahî / Raber îbrahîm
- Belgefîlm-Xelata Projeyan a Sînebîrê: Hucre, Takekes - Laş, Civat / Zelal Sadak
**
Nûçeyên Eleqedar:
- Festîvala Fîlman a Amedê dest pê kir
- Kurtefîlmên li Amedê wê bêne nîşandayîn
- Belgefîlmên ku li Amedê wê bêne nîşandayîn diyar bûn
- Fîlmên Metrajdirêj ên Festîvala Amedê diyar bûn