Perwer Yaş / Berlîn - ANF

Aşkere bû ku di “lîsteya kuştinê” ya rêxistina Naziyan a NSU ya ku 9 penaber û polîsek kuştin, de endama berê ya Parlementoya Ewropayê Feleknas Ûca jî heye.

Derket holê ku navê parlementera berê ya Kurd a Parlementoya Ewropayê Feleknas Ûca jî di “lîsta kuştinê” ya Naziyan a bi navê NSU ya ku di salên 2000-2007 de 9 penaber û polîsek kuştin de heye. Di encama lêkolîna li ser belgeyên ji mala li Zwickau şewitî û weke şaneya (hucre) Naziyan tê zanîn, de navê siyasetmedara Kurd Feleknas Ûca jî hate dîtin.

Almanan di 8’ê mijdara 2011’an de NSU nas kirin. Jina bi navê Beate Zschaepe ya 36 salî di 8’ê adarê de li bajarê Jena teslîmê polîs bû. Cesedê du hevalên wê Zschaepe, Uwe Bohnhardt û Uwe Mundlos jî li eyaleta Thurîngen bajarê Eisenach şewitandî hate dîtin.

Her sê herî dawî di 4’ê mijdarê de saet di 09.30’an de ji Bankaya Sparkasse ya Eîsenach70 hezar Euro şêlandibû. Hema rojê bi kravanê re li mala Zwîckau ya ku diman hatin kuştin. Hate hînbûn ku Beate Zschaepe ji bo delîlên suc tune bike xanî û karavan dabû ber agir. Di xaniyê ku hate şewitandin de jî nasnameyên ku Rêixstina Parastinê ya Makeqanûnê dabû derket holê.

Bûyerên bi koda ‘Hucreya Zwîckau’ dihat bibîranîn bi gelek aliyên li Almanyayê wekî ‘Qezaya Susurlikê’ (ya li Tirkiyeyê) bû. Di lêgerîna kavilan de çekên ku pê 9 penaberên di navbera 2000-2006’an de hatibû kuştin û di 2007’an de polîsan jin hatibû kuştin hatin dîtin. Van sê kesan li gel van cînayetan 12 salan 14 banka şêlandibû û ji rêxistiên ku endamê wan bûn 1,5 mîlyon euro pere girtibû.

Cinayetên ji aliyê Naziyan ve di 9’ê îlona 2000’ê de ji kuştina gulfiroşê bi navê Enver Şîmşek dest pê kir, di 6’ê nîsana 2006 de li Kasselê xwediyê kafeya înternetê Halîç Yozgat hate kuştin û bi rêzecinayet bi dawî bûn. Di vê demê de 9 kes hatin kuştin. Piştî ku bûyer aşkere bûn di mijdara 2012 de Meclîsa Federal a Almanyayê ji bo lêkolînkirina bûyerê komîsyonek ava kir û der barê Rêxistiya Naziyan de lêkolînek berfireh da destpêkirin.

FELEKNAS ÛCA: EZ WÊ DEMÊ GELEK CARAN HATIM TEHDÎTKIRIN

Ev nêzî salekê ye ku polîsên Alman li ser belgeyên li derdora mala ku Uwe Böhnhardt, Uwe Mundlos û Beate Zschaepe lê dijî lêkolîn dike. Polîs li ser CD û tomarên komputerê lêkolîn kir. Li vê derê nasnameyên endanên Rêxistina Parastina Makeqanûnê hate dîtin û awir vegeriyabûn ser îstîxbaratê.

Di heman lêkolînê de “lîsteya kuştinê” ya ji penaberên biyanî pêk dihat û ji aliyê Naziyan ve hatibû amadekirin jî hate dîtin.

Yekîneyên ewlekarî yên ku lîste lêkolîn kirin, dîtin ku navê Parlementera Partiya Çepgir ya eslê xwe Kurd Feleknas Uca ku di salên 1999-2009’an de endamê Parlementoya Ewropayê bû û her wiha Nazî jî di wan salan de bi bandor bû, di lîsteyê de heye.

Ûca derbarê mijarê de ji ANF’ê re axivî û ev agahî piştrast kir, her wiha ragihand ku yekîneyên polîsan lêgeriyane û jêre gotine lêkolîn didomin.

Uca ku li bajarê Celle ji dayik bûye û Kurd jî lê zêde dijîn, bal kişand ser ku, gelek caran buroya wê ya li bajarê Celle rastî êrîşên nîjadperest û dijminên biyanî hatiye. Uca got; “Ji xwe salên ku ez parlementer jî bûm gelek caran min peyamên gefan xwarine. Bi rastî êdî van gefan nîjadperestên Tirk dixwin.” Uca bi bîr xist ku, ew alîkarê serokê Komîsyona Tekoşîna li Dijî Rastgirên Radîkal û Nîjadperestan ya ji aliyê PE’yê ve hatibû avakirin bû, “Dibe ku xebatên me bala wan jî kişandibe.”

Herî dawî yekîneyên ewlekariyê yên NSU lêkolîn dikin banî Feleknas Uca kirin û dane diyarkirin ku, ew dê demek kurt derbarê lîsteyê de agahiyên berfireh bidin. Beriya salekê lêgerîna ku polîsan li Zwickauyê kiribû di nav de polîtîkavanên Alman jî heyî lîsteya mirinê ya 88 kesan aşkera kiribû. Hêjmara 88 bi Almanî tê wateya “Heil Hitler” (Bijî Hîtler) ango sîmgeya peyva ‘HH’.