Diyarname
Klûba Amedsporê îro gavek nû avêtin û hesabên xwe yên bi kurdî li nav tora civakî vekirin. Amedsporê banga piştgiriyê kir.

Heta niha Amedsporê bi tirkî li ser hesabên xwe yên tora civakî parvekirin dikirin, carina di nav de tiştên bi kurdî dihatin belavkirin, lê îro hesabên taybet bi kurdî vekirin.
Amedsporê hesabê bi kurdî di nav tora civakî X û Instagramê de vekirin û banga piştgiriyê kir.

Klûbê di daxuyaniya belav kir de wisa got, "Klûba me, ji bo ku aligirên me bi zimanê xwe yê dayîkê bikaribin tîma me ji nêzîktir bişopînin, bi navê 'Amedspor Kurdî' hesabên xwe yên fermî yên Instagram û Twitter (X) vekirin. Amedspor, tenê tîmeke futbolê nîn e; ew dengê gelê me ye, temsîlkirina nasnameya me ye û nirxa hevpar a mîlyonan e. Bi vê hişyariyê, em di vê rengê de zimanekî ragihandinê ava dikin ku ji her kesî re têgihiştî, fireh û hêsantir be. Em banga hemû aligirên xwe dikin ku hesabên me yên nû yên fermî bişopînin û beşdarî vê kelecanê bibin."

Bi heman navî hin hesabên din hene wekî ku yên Amedsporê ne, lê ew ne hesabên fermî ne. Ji bo yên fermî li van lînkan binêrin.

Hesabên Amedsporê yên bi kurdî ev in:
- Instagram: 
@amedsporkurdi_

- Twitter (X): 
@amedsporkurdi_