Diyarname
Bi navê "Kampa Şanoyê ya Ahurayê" xebatek li dar dikeve. Kamp wê li Stewra Mêrdînê lidar bikeve û armanc jê ew e şanogerên herêmê bên ba hev, piştgiriya ji bo hev xurtir bikin.

Kamp bi sernavê "Kampa Şanoyê ya Ahurayê: Hostetîya Monologê" wê di navbera 16-20'ê rezbera 2025'an de li dar bikeve. 
Şaneşîn Performans û Kooperatîfa Şanoyê ya Ahurayê bi piştgiriya "Kultur için Alan" (Qadên Çandê) li dar dixe. Ev kampa perwerdehiyê ji bo 5 rojan wê li dar be.

Li gor agahiyên amadekaran dan me di Kampa Şanoyê ya Ahurayê de; bi metodolojiya “Hostetîya Monologê” ya derhênera ji Berlînê Monika Dobrowlanskayê, mamosteyên şanoyê wê analîza monologê, teknîkên enerjî û kompozîsyonê hîn bibin.

Amadekarên vê xebatê armanca kampê jî bi van gotinan anî ziman, "Em dikin ku komên şanoyê yên Mêrdîn, Amed û Êlihê bigihînin hev, hevkariya herêmî xurt bikin, hilberîna şanoyê bi zimanê zikmakî zêdetir bikin û gihîştina ciwanan bo hunerê zêde bikin. Her wiha em dikin ku di heman demê de çanda herêmî û domdariya ekolojîk derxin pêş. 
Em ji bo huner, piştevanî û mîrateya çandî digihîjin hev!"