Diyarname
Pêla binçavkirina Şaredarên CHP'ê didome. Ji Şaredarên Bajarên Mezin ê Edeneyê Şaredar Zeydan Karalar, yê Antalyayê Muhittin Bocek ên CHP'yî hatin binçavkirin. Li aliyê din Şaredarê Semsûrê Adurrahman Tutdere, Wekîlê Şaredarê Buyukçekmeceya Stenbolê Ahmet Şahin ku ev jî CHP'yî ne hatin binçavkirin.
Dozgerî diyar kiriye ku ji ber rişwet û karên qirêj ew hatine binçavkirin.

Hevserokê DEM Partî Tuncer Bakirhan bi ser X'ê re  peyamek belav kir û got ku eem van gavan şermezar dikin û red dikin. Bakirhan got ku bila dawî li ev êrîşên dijî vîna hatiye hilbijartin bînin.

Şaredarê Bajarê Mezin ê Îzmîrê yê dema berî niha Tunc Soyer jî piştî çend rojên binçavkirinê, duh hatibû tewqîfkirin.
Di serî de Şaredarê Bajarê Mezin ê Stenbolê Ekrem Îmamoglu heta niha bi ser 10'î re şaredarên CHP'ê hatin binçavkirin û girtin