Diyarname
Roja 8'ê mehê maça Elazig-VanSporê li Elezîzê hebû. Berî maç xilas bibe hakêmî penatilya Van sporê betal kir, lîstikvan pevçûn, düre li ser rê otobusa Van Sporê rastî êrîşê hat.
Va ne yek bi yek we kîte:
- Berî maçê Hakemek bi navê Mehmet Derece ku ji Batmanê ye hatibû tayînkirin, lê di kêliyên dawî de ev hakem hat guhartin û ji Bursayê hakêm Suleyman Soyuturk hat tayînkirin.
- Sedem? Ji ber ku Elezîzê îtîrazê hakêmê ji Batmanê kiribû, federasyonê jî yekî ji Bursayê tayin kir ku Bursa her li dijî tîmên bajarên kurdan bûye.
- Maçê bi vî awayî dest pê kir. Di nîveka yekemin de gol nehatin avêtin. Di deqîqeya 52'yan de Van Spor bi Okan Eren 1-0 derket pêş. Deqîqeya 80'yî de Elezîzê penaltı bi dest xist û bi Beykan Şimşek encam bir 1-1'ê. Deqe 89 de Elezîz bi Alpay Koldaş encam bir 2-1.
- Deqeyê zêdek de Van Sporê lêdana serbest Lê dixa. Hakêm ji cihê bûyerê dûr. Gog hat, li destê lîstikvanê Elezîzê ket û hakêm penaltî da. Lê hakêmê ser xêzê ji bo offsideal bilind kir; hakêmê navê ku ji bûyerê dûr, penaltî betal kir. Nîqaş li vir derket.
OFFSIDE NÎN E LÊ PENALTÎ BETAL KIRIN
- Di dîmenan de jî diyar e tu offside tune ye; bêyî ku tu lîstikvanê Vanê ne li offside bû jî bi sedema offside penalti hat betalkirin.
- Lîstikvan ketin hev. Ji trîbunan tiştin avêtin nava sehayê. Hakêmê nava sehayê û hakêmê ser xêzê bi hev re axivîbîn, lê piştî maçê jî eşkere nekirin ku çima penaltî betal kirin. Li aliyê din li trîbunên protokolê çêr û gotin ji bo rêveberê Van Sporê hatin kirin.
4 WANÎ BIRÎNDAR BÛN
- Piştî maçê alîgirên Elezigê êrîşê otobusa Van Sporê kir. Ajokar jî têde 4 kes birîndar bûn.
'VÎ HAKÊMÊ BÊ ESL MAÇ QETIL KIR'
- Serokê Van Sporê Erol Temal piştî maçê got, "Nîvê şevê hakêmê kurd ji maçê girtin, hakêmê ji Bursayê ku navbera me ne baş e tayîn dikin. Ji duh de ez ligel TFF'ê, Serokê Hakêman diaxivim, 'Soz didin dê problem derneyê' bi vî awayî problem dernayê. Heyf. Vê hakêmê bê esl maç qetil kir. Ka em bira bûn? Biratî wisa ye? Ji ber ku hakêmê ji Batmanê kurd e hûn diguherînin, ji Bursayê hakêm tînin, çi bû? Maç qetil kir û çû?
ENCAM
Bi vê encama bi nîqaş di dawiya hefteya 21'ê de Elazig bi 42 pûanan derket rêza sisêyan, Van Spor bi 39 pûanan di rêza 5'an de ye.