Diyarname
Li Rojava, li bajarên Sûriyê pevçûn didomin. Va ne tiştên îro (4'ê mehê) derketin pêş:
- Artêşa Neteweyî ya Sûriyeyê ku Tirkiye piştgiriya wê dike êrîşên xwe yên li hemberî gundên Minbicê yên wekî Ewn El Dadat, El Buweyhj, El Hisan, Til Torîn, El Seyada û Dendaniye didomîne. Ji bo yên nizanin, Minbic di destê Rêveberiya Xweser a Bakur û Rojhilatê Sûriyeyê de ye.
- Piştî ku HTŞ û tekdarên bi ser Tirkiyeyê de Heleb bi dest xistin, li Şehba jî bi dest xistin. Li Şehbayê hin sivîl gihane Tebqa û Reqaya di bin Rêveberiya Xweser de, lê hê gelek sivîl di bin destên hêzên tundraw de ne.
- Li gor nûçeya MA'yê di dema koça sivîl a ji bo Reqayê de zarokek bi navê Nuh Mihemed Reşo ê 4 salî miriye.
- Li aliyê din kurdên li taxên Şêx Meqsûd û Eşrefiye yên Helebê ji bo berxwedane xwe bi rêxistin kirine. Eniya Gel a Helebê gotiye ewê kurdên vê derê biparêze.
LI SIRÛCÊ MEŞA KURDAN
- Hevserokên DBP'ê Çigdem Kiliçgun Uçar û Keskin Bayindir, Hevseroka DEM Partî Tulay Hatimogullari, Hevberdevka HDK'ê Meral Daniş Beştaş, komek mebûsên DEM Partî û gel li Sirûcê li hemberî şer, ji bo piştgiriya Rojava meşiyan.
Girse li ser rêya Sirûc-Kobanî daxuyanî xwendin. Girseyê her diruşma "Bijî berxwedana Rojava" bilind kir.
- Pevçûna di navbera rejima Sûriyeyê û HTŞ'ê de li Hemayê didome. 
SEROKÊ HTŞ'Ê ÇÛ HELEBÊ
- Seroçê çeteyên HTŞ'ê (Heyet Tehrur el Şam ku wekî Eniya El Nusra jî tê zanîn) Muhammed el-Colani çû Keleha Helebê.
- Li aliyê din Husiyên li Yemenê eşkere kirin ku ew piştgiriya Serokdewletê Sûriyeyê Beşa Esad dikin.
- Yek ji serleşkerên bilind ê Mihafizên Şoreşê ya Îranê Cevad Gefar çûye Sûriyeyê. Ew wekî "Qesabê Helebê" tê bi navkirin ji ber ku berê bi tundî êrîşê hêzên li Helebê kiribû. 
- Wezîrê Karên Derve yê Îranê Abbas Arakçi ji bo çapemeniyê gotiye ku Sûriye bixwaze wê leşkerên Îranê bişîne wir.