Diyarname
Du pirtûkên din ên helbestan ji Weşanxaneya Nûbiharê derketin. Yek jê ya Dîlan Şewqî ye bi navê "Hevdîtina Pêxemberan", ya din jî pirtûka Evîn Şikakî "Keça Dilê Te Me" ye. Her du helbestvan jî ji Rojava ne.
*
'Hevdîtina Pêxemberan'
Helbestvan Dîlan Şewqî ji Serêkaniyê ya Rojava ye û ew niha li Tirkiyeyê dijî. Heta niha 5 pirtûkên wê derketine. Ev pirtûka ku niha ji Nûbiharê derketiye di sala 2006'an de li Şamê çap kiriye, niha li Bakur derket pêşberî xwendevanan. Pirtûk ji 48 rûpelan pêk tê.
Va ye parçeyek ji pirtûkê:
…
bihara te, kilê bihuştê ye
û pişta te, bi şîrê efsaneyan têr e.
 
ey dildar..
dema limêjên hembêzan dest pê dikin,
tu û sermê hûn çi ji hevdû re dibêjin?
 
**
'Keça Dilê Te Me'
Helbestvan Evîn Şikakî ji Dêrika Rojava ye. Heta niha çend pirtûkên wê derketine. Niha ew bi "Keça Dilê Te Me" li pêşberî xwendevanên Bakur e. Pirtûk ji 66 rûpelan pêk tê.
Va ye parçeyek ji pirtûkê:
ji cenga mirinê direvim
li pey xwe sihikên mirovan
xaniyên kavil
rêyên pîr, lêxistina deriyan
di sibehên cejnê de
û strana: hoy… hoy delala dilê min dêrik buhişt e…
li pey xwe dihêlim
di bosteke av de dixeniqim
ji dengê xwe têm şuştin
bêriya xwe dikim
noq dibin……
di ava deryaya spî de
li binîîîîîî…
li binî disekinim
koçberan kêl bi kêl dijmêrim.