Diyarnambe
Barbara Taylor Bradford dema di salên xwe yên 40'an de bû navdar bû. Bi romana xw ya bi navê "A Woman of Substance". Sal 1979 bû û vê romanê kir ku ew bibe nivîskareke navdar û gelek pere qezenc bike.
Nivîskar Barbara Taylor Bradford di sala 1993'yan de hatiye dinê. Roja 24'ê vê mehê carê xwe ji dest da. Ew 91 sali bû.
Di 16 saliya xwe de ji bo Yorkshire Evening Postê nûçegîhanî kir ku malbata wê ev yek nedixwest, lê wê bi paş ve gav neavêt. Paşê di Woman's Own Magazîne de edîtorî kir. Ji bo London Evening Newsê nûçe çêkirin lê xeyala wê nivîsandina romanan bû û gihîşt mirova xwe.
30 MÎLYON HEB FIROT
Dema "A Woman of Substance" nivîsand bû yek ji nivîskara popüler. Ji vê pirtûkê 30 milyon heb hatin firotin. Wê ji serê sibê saet 6'an heta êvarê saet 6'an li ber daktîloyê nivîs dinivîsand. Bi vî awayî her sal peyder pey pirtûk nivîsî. Bi deh mîlyonan heb pirtûkên wê hatin firotin û serweta wê derket 200 mîlyon dolarî.
Wê di pirtûka xwe "The Women in His Life" de qala mêrê xwe yê ku cawa ji naziyan reviya ye kir. Di pirtûkên xwe "Breaking the Rules" û "Act of Will" de li ser çîroka jinên di cihana meran de ji bo evin û hêzê şer dikin vegot. 

WÊNEYÊ WÊ LI PÛLÊ DAN
Nivîskara îngilîz Bradford wisa navdar bû, di sala 1999'an de wêneyê wê li ser pûlê postayê dan.
Pirtûkên wê li 40 zimanan hatin wergerandin, li dinyayê bi ser 90 milyon hebî de firotin. Di sala 2007'an de Kralîçe Elîzabeta 2'yemîn "The Most Excellent Order of the British Empire" (Nîşana Mikemel a Împaratoriya Brîtanyayê) da wê.
ROMAN KIRIN RÊZEFÎLM
Romana wê ya navdar "A Woman of Substance" di sala 1984'an de kirin rêzefîlm Jenny Seagrove û Deborah Kerr têde lîstin.
Nivîskar Barbara Taylor Bradford di sala 1963'yan de ligel yekî alman Robert E. Bradford zewicî û heta ew mir (2019), 56 salan ligel hev zewicandî bûn.