Diyarname
Di rojekê de 43 nivîskarên ji Tirkiyeyê (piranî tirk) li ser kurdan nivîsîn.

Roja 26'ê tîrmehê 2012. Li Tirkiyeyê kîjan rojname mirov digirt destê xwe qunciknivîskarek, yan çend ji wan di quncikê xwe de cih dabû kurdên rojavaya Kurdistanê û meseleya kurdan.

Bi giştî 43 qunciknivîskar. Ji van sê jê ji Gundemê (rojnameya kurdan) Delil Karakoçan, Veysi Sarisozen, Baki Gul, yên din ji çapemeniya tirkan.
Ji van hinan tiştinên erênî nivîsîne, hinan bi awayekî objektîf li meseleyê nêriye û nirxandin kiriye, hinan jî hestên xwe yên neteweperest derxistine pêş. Herî zêde nivîskarên Hurriyet û Milliyetê (ji her du yan jî 5 nivîskaran) nivîs nivîsîne.
Ger em yek bi yek li wan binêrin, van kesan di van rojnameyan de nivîsiye:

HURRUYET
Ertugrul Ozkok, Sedat Ergin, Taha Akyol, Yalçin Dogan, Şukru Kuçukşahin

SABAH:
Mahmut Ovur, Okan Muderrisoglu, Nazli Ilicak

MİLLİYET:
Asli Aydintaşbaş, Fikret Bila, Hasan Cemal, Can Dundar, Mehmet Tezkan

VATAN:
Okay Gönensin, Bilal Çetin, Ruşen Çakir, Fatih Altayli

RADİKAL:
Ozgur Mumcu, Murat Yetkin

AKŞAM:
Serdar Akinan

ZAMAN:
Şahin Alpay

YENİ ŞAFAK:
Akif Emre, Abdülkadir Selvi, Cem Kuçuk

STAR:
Ahmet Kekeç, Sedat Laçiner, Nasuhi Gungor, Abdelbari Atwan

TARAF:
Yildiray Ogur, Orhan Miroğlu

CUMHURİYET:
Cuneyt Arcayurek, Hikmet Çetinkaya, Umit Zileli

POSTA:
Mehmet Ali Birand, Candaş Tolga Işik

BUGUN:
Ahmet Taşgetiren, Gultekin Avci, Seda Şimşek

BÎRGUN:
Îbrahim Kaboglu

HABER TURK:
Fatih Altayli

Û tenê ji çend nivîskarên navdar em paragrafek ji nivîsên wan wergerînin û ragihînin:

Ertugrul Ozkok (Hurriyet): Bihara Ereb veguherî Bihara Kurd
"...Êdî 1200 kîlometre sînorê me ligel kurdan heye.
Ger hûn li nexşeyê binêrin hûnê rastiyeke din bibînin.
Li wî aliyê wê sînorê herî hindik di 800-900 kîlometreyî de serjimariya kurd a Tirkiyeyê rûdinê.
Wateya vê ev e:
'Bihara Kurd' xwe li sînorê me qeliband..."
***

Sedat Ergin (Hurriyet): Gava desthilatdariyê ya kurdan a herî bêdeng
"... Komen kurdan sekinîn, li dema herî guncan nêrîn, dema ev gava optîmal bi dest xistin pêngava ku dê li li ser pêşeroja Sûriyê bibe gava bingehîn avêtin û bûn lîstikvanên bandorker."
***

Taha Akyol (Hurriyet): Li Rojhilata Navîn nexşeyeke nû?
"... Belê, tu dewlet êdî li Rojhilata Navîn bêyî ku guh bide kurdan nikare siyasetek dexe pêş. Di sedsala 21'ê de li Rojhilata Navîn êdî ne tenê tirk, faris û ereb, kurd jî hene. Bi vî awayî, yan awayek din dê formek siyasî çêbibe. Lê çawa?..."
***

Yalçin Dogan (Hurriyet): Di Pêngava 4'emîn de PKK xwedî axê ye

"...'Ji niha û pê de bargeha me ya stratejîk Sûriye ye. Li hemberî TC (Komara Tirkiyeyê) emê ji Sûriyê şer bi rê ve bibin.'
Berî ku Tirkiye Sûriyeyê wekî neyar ragihîne di sala 2010'an de PKK'ê di bin navê 'Pêngava 4'emîn a Stratejîk' de ev plan ragihand rêxistina xwe.'
Di demeke ku stratejiya PKK'ê ev bû de, we Tirkiye bi rê ve bibira we yê li hemberî Sûriyê polîtîkayeke çawa bimeşanda?..."
***

Şukru Kuçukşahin (Hurriyet): Serokê Baroyê dizane Davutoglu nizane
"... Ne hewceye hûn kor bin, pirs hêsan e, me got Iraq, Sûriye, di dorê de ku derê heye?
Ev jî êdî zelal e, dewlet gelî dixapîne, ji gel re rastiyê nabêje..."
***

Can Dundar (Milliyet): Bila cîranê me yê kurd ê nû ser xêrê be
"...Li ser sînorê Sûriyê herêmeke xweser a kurd tê ava kirin, digel herêma kurdan a li ser sînorê Iraqê di bin otorîteya 'Konseya Bilind a Kurd' de bi hev re tevdigere.
Xeyala 'Kurdistana Mezin' jîndar dibe.
Û helbet li Enqereyê pêla hêrsê bilind dibe..."
***

Ruşen Çakir (Vatan): Li nav kurde serdema 'cehş' bi dawî dibe
"...Rêxistinên kurdan li aliyekê xwe tevî pevçûnên di navbera hêzên cude de nakin, li aliyê din hemû nelihevkirin û cudahiyên di navbera xwe de li aliyekê dihêlin û li herêma me bi awayekî xurt dikeve ser rêya herûbê. Ew li ser vê reyê gelek pêşde meşiyane û hê dê zêdetir ber bi pêş ve bimeşin jî..."
***

Murat Yetkin (Radikal): Sînor diguherin; amade bin
"...Xeyaleta dewleta kurdan ku heta niha li herêmê her geriyaye lê çênebûye, niha gelo mimkûn e wekî berhemeke pêvek a Bihara Ereban mimkûn e ava bibe? Tişteke wisa dê li herêmê bandora domînoyê pêk bîne; eynî wekî esrek (sedsalek) berê..."
***

Şahin Alpay (Zaman): Asta pirsgirêka kurd a navneteweyî
"...Em wekî Tirkiye du rê li ber me hene: Yan emê daxwazên kurdan ên demokratîk piştguh bikin û vê polîtîkaya xwe bidomînin ku ev yek dê welat ber bi parçebûn û têkçûnê ve bibe. Yan jî hem li hundir, hem li derve emê hurmetê nîşanî daxwazên demokratîk ên kurdan bidin û emê yekpariya welat û aramiya wê bixin bin ewlehiyê..."
***

Hikmet Çetinkaya (Cumhuriyet): Sûriye, dê bibe Iraq?
"...Enqere di dema ku pêşketinên li Sûriyê ji nêz ve dişopand de, ditirse ku rastiya Bakurê Iraqê derkeve pêşiya wê.
A rast ji bûyerên bi xwîn ên li Sûriyê diyar bû ku dê rewş heta vê derê bê..."
***

Ahmet Taşgetiren (Bugun): Li Rojhilata Navîn çi diqewime?
"... Di pirsgirêka kurd a Tirkiyeyê de ji niha de rewş veguherî tiştek din.
Tiştên bi inte int û zorê têne gotin, a rast têrê nakin ku tirsê veşêrin:
- Piştî Bakurê Iraqê li Sûriyê jî avahiyeke kurd a xweser çêbibe wê bandora wê ya li Tirkiyeyê çi be?
Pirs ev e..."