Diyarname
Amedsporê îro tîma Kocaeliyê kir mêvan û bi 3-0 ew têk bir. Bi vê yekê Amedsporê di Lîga 1'emîn de yekemîn serketina xwe bi dest xist, di heman demê de yekem car gol avêt.
Maç li Stada Rihayê bû. Maçê ji her du aliyan ve jî bi lez dest pê kir. Di vê lezê de Kocaeliyê xeta kir: Di deqîqeya 4'an de qeleparêzê Kocaeli Gokhan Degirmenci lîstikvanê Amed Sporê li erdê xist û pêşî qerta zer, dûre ji VAR'ê agahî hat, hakêmê navê çû lê mêze kir û sedema diçû golê loma hatiye xistin, qerta zer betal kir, qerta sor nîşanî qeleparêz da. Harun Tekin ket cihê qeleparêz. Koceli man 10 kes li sehayê.
Di deqîqeya 19'an de jî Muharrem Cinan ji Kocaeliyê qerta sor dît û tîma Kocaelî ma 9 kes. Bi vê yekê keysa Amedsporê baştir bû.
Û gol: Di deqîqeya 32'yan de Oktay Aydin ji derveyî xêza pêş kelehê re li gogê da û tîma xwe bi 1-0 derxist pêş.
Nîveka yekemin bi vî awayî bi dawî bû. Di nîveka duyemîn deqîqeya 63'yan de Adama Traore goleke mikemel avêt û encam anî 2-0'ê. Û di deqîqeya 86'an de Traore xetaya qeleparêzê Kocaeli Harun Tekin efû nekir û encam diyar kir: 3-0.
Bi vê encamê di Lîga 1'emîn ku 20 tîm hene de Amed Spor bi 5 pûanan derket rêza 10'an. Di encama maçên 4'inan de Igdir bi 10 pûanan yekemîn e.