Diyarname
Hunermend Nîzamettîn Arîç li ser Roboskiyê straneke enstrumantal amada kir û jêre jî klîbek kişand.

Hunermend Nîzamettîn Arîç straneke enstrumantal ji bo Roboskiyê amade kir. Her wiha ji bo stranê klîbek jî kişand ku muzîk, aranjman û derhêneriya berhemê Arîç bi xwe kiriye.
Arîç yek ji hunermendên kurd e ku li hemberî bûyer û çalakiyên li ser kurdan bi hestiyar e. Ji komkujiya Roboskî, wêneyê ku di çapemeniyê de derketine gelek bandor girtiye û rabûye straneke enstrumantal amade kiriye. Ew dibêje: "Ev enstrumantal muzîka li ser Roboskî bandora êşa Roboskiyê ya li cem min nîşan dide. Ez hêvîdikim rê Roboskî bibe komkujiya dawî ya ji komkujiyên ku li nav kurdan her em rastî wan tên. Ji bo ev komkujî bibe komkujiya dawî bar dikeve ser milê me kurdan, lê peywirek girîng dikeve ser milên tirkan jî. Ji bo komkujiyên bi vî rengî careke din derneyên em ferdên heman erdnîgariyê divê em peywira xwe ya mirovahiyê bînin cih."

Her wiha Arîç dibêje ku bêyî tu sazî û kes bêne parastin divê heta dawî bûyera Roboskiyê bê zelakirin.

Em jî stran û klîba ku Arîç amade kiriye dikin Klîba Hefteyê û pêşkêşî we dikin.

Fermo: