Diyarname
Dimay ke Serokdewletê DYA Joe Biden vat weçînayişê emsarî de ew nêbeno verendam enka nîqaşa "Go kam bibo verendamê Demokratan" veciya.
DYA de verendam çawey yeno eşkerakerdişî, her kes eşkeno bibo verendam? Mesela ene wo:
DYA de verweçînayîş esto. Ê biwazê bibê verendam namey xwu eşkera kenê, miyanê delegeyanê înan ê eyaletan de verweçînayîş virazêno. Sebo yew bibo verendam gere 1976 delegey veng bidê ê/ay. Ê Bîdenî 3 hezar û 800 delegî paştî dabî ê.
Vanê ke go kongreya Demokratan a ke miyanê 19-22'yê tebaxî de viraziyo ê go verendamê/a xwu eşkera bikerê.
- Cagirota Kamala Harris y Bidenî nameya ke veciyena vernî wa. Bidenî zî serê hesabê X'î ra qeybî ay paştîdayiyê xwu eşkera kerd.
- Namey Pêrekey Serokê DYA ê verî Brack Obama Michelle Obama zî qeybî verendamî derbas beno.
- Namey Walî California Gavin Newsom qeybî verendamî derbas bîne, la ê paştî da Harrase.
Serokê Verî yê DYA Obana peyamê xwu de paştî nêda Harrase la vat ke go partî înan rêberêke baş weçîno. Bill Cilinton û pîrekey ê Hillary Clintone paştî da Harrase. 
50 senatorên Demokratan ê Senatoya DYA de heminan paştî da Harrase.
TRUMP VERENDAM O
Hetê Demokratan ana wo, la hetê Komarparêzan de rewş zelal o. Komarparêzan Serokê DYA ê verî Donald Trump zey verendamê Serokatiya DYA eşkera kerd bî.

***

Xebera Eleqedare:
- Joe Biden ji berendamtî vekişiya

- Komarparêzan Trump nîşan da