Diyarname
Di hilbijartina Kraliyeta Yekbûyî de Serokê Partiya Karkeran ê berê Jeremy Corbyn ji partiyê hatibû avêtin; ew li herêma xwe bi awayekî serbixwe hat hilbjartin.
Corbyn ji sala 1983'yan ve li herêma Islington North nûner e. Ew di sala 2020'î de ji ber nîqaşên antîsemîtîst ji partiyê hat avêtin. Corbyn vê carê li herêma xwe bi awayekî serbixwe bû berendam.
ENDAMÊ PARTIYA KARKERAN DERBAS KIR
Partiya Karkeran endamê lijneya rêveberiyê Praful Nargund wekî berendam nîşan dabûn, lê Corbyn'î ew têk bir. Di hilbijartina dup de Corbynî 24.120 deng girtin, Nargundî 16.873 deng girtin. Bi vê yekê Corbyn ji nû ve hat hilbijartin. Di sala 2019'an de li vê herêmê beşdariya hilbijartinê sedî 71,6 bû vê carê daket sedî 67,5'î.
'DIVÊ PERGAL JI BO PIRSGIRÊKAN BIBE BERSIV'
Li gor The Guardianê Corbyn di axaftina xwe ya serketinê de got, "Me kampanyayeke baş li dar xist. Baweriya me ew e divê pergala siyasî ji bo pirsgirêkan bibe bersiv. Denfdana penaberan ne bersiv e."
Corbyn gotiye ku ew bi "polîtîkaya nazik, hê naziktir, polîtîkaya her kesî bigire nava xwe" diparêze û gotiye, "Ji her demê zêdetir îşev ez bi herêma xwe serbilind im û bi tîma xwe ya xebatê serbilind im. Ji ber encama îşev ez gelek sipasiya Islington Northê dikim."
'EMÊ BINÊRIN WÊ SEROKWEZÎREKÎ ÇAWA BE'
Li ser pirsa "Keir Starmer dê bibe serokwezîrekî serketî yan na?" Corbynî wisa gotiye, "Emê binêrin ka dê çawa be. Ewê bibe serokwezîr, li parlemenê piranî di dest de ye. Ji wî gelek daxwaz hene.
Piştî Starmer hatibû ser kar berendamdiya wî dabû rawestandin. Di adara 2023'yan de Corbyn ji bo berendamtî serî lê da, lê ji aliyê Starmer ve hat asteng kirin. Piştî ku Corbyn biryar da ku dê wekî serbixwe bibe berendam ew ji partiyê hat avêtin.
Niha Corbyn dê wekî mebûsê serbixwe li parlemenê cih bigire.
***
Nûçeyên Eleqedar:
.jpg)
