Diyarname
Hevserokê DBP'ê Keskin Bayindir û Çigdem Kiliçgun Uçar, Hevserokên DEM Partî Tuncer Bakirhan û Tulay Hatimogullari, Hevşaredarên Bajarên Mezin ên Amed, Mêrdîn û Wanê ligel şaredarên navçeyan, ligel hin mebûsên DEM Partî çûn cihê bûyerê û daxuyanî dan.
BAYINDIR: EV ŞEWAT NE ŞEWATEKE XWEZAYÎ YE
Pêşî Hevserokê DBP'ê Keskin Bayindir bi kurdî axivî. Va ne çend gotinên wî:
- Em niha hatine cihê şînê. Em dizanin êşeke mezin e. Lê emê dest bidin gelê xwe, emê vê êşê parve bikin. Emê bi hev û dû re vê barê giran parve bikin.
- Li welatê me germ çêdibe, havînan şewat çêdibin, lê ev şewat ne şewateke xwezayî ye. Bi dehan caran daxwazname dane, xwestine têl û dîrek bêne guherandin lê DEDAŞ'ê bersiv nedaye. Berpirsiyarê vê şewatê DEDAŞ e.
- Ji serî de em li cem gelê xwe bûn, me xwest helîkopter bişînin ji bo şewatê bitemirînin, lê neşandin. Helîkopterek şandin, ji bo çi şandin? Ji bo ka kî hatiye vir, kîjan siyasetmedar hatiye vir, ji bo qeyd bikin şandin, ne ji bo ku agir bitemirîne şandin.
- Helîkopterên agir temirandinê neşandin. Heta saet 11'ê rojê jî tu kesekî ji aliyê desthilatdarî ve alîkarî gele me nekirin.
- Bila hemû dayikên me bizanibin, êşa me giran e, nayê tarîfkirin lê emê bi hev re parve bikin. Bi alîkariya hemû rêxistin û saziyên me emê vê êşê rakin înşela.
BAKIRHAN: HELÎKOPTER NEHATIN
Dûre Hevserokê DEM Partî Bakirhan axivî. Va ne hin gotinên Bakirhan:
- Bila serê me sax be, serê gelê kurd sax be. Êşeke mezin e, felaketek mezin e.
- Îdîayên mezin hene gere ev yek bi cidî bêne lêkolînkirin. Dibêjin ji ber dîrekên DEDAŞ'ê şewak çêbûye. Divê bi lezgînî ev yek bê lêkolînkirin. Yên ku dikarin pere bigirin, lê 40-45 salan dîrekan nû nakin, divê ev yek bê lêkolînkirin.
- Divê ev der bi lezgînî wekî "cihê afetê" bê ragihandin.
- Gelek erdên çandinî zirar dîtin, sewal telef bûn, bi mîlyonan zerar çûbû. 14 însanên me canê xwe ji dest dan. Bi mîlyonan lîra zirar heye. Divê wekî cihê afetê bê ragihandin û gelê me yê ku zerar dîtiye jî zerarê wan bê telafîkirin.
- Ji serî de şaredariyên me yên mezin ên Mêrdînê, Wanê, Amedê û navçeyên me hatine, piştgiriya gel kiriye, beşdariya şewitandinê kirine, lê çapemeniya qesrê her bûyerê diguherîne.
- Dema li cihek du ciwanên kurdan dibînin bi dehan helikopteran radikin, lê mixabin li vir bi saetan erazî dişewite, di nav de can dişewitin, însanên me dişewitin, du helikopter nehatin.
- Em soz dikin emê li ser meseleyê bisekinin, em dest jê bernadin, em ligel gelê xwe ne. Emê bi hev re birînên xwe bikewînin.
Vîdeo:
Çend hezar morîk şewitîn?
**
Nûçeya li ser şewatê:
- Konseya Amedê pêşrapora li ser şewatê belav kir; va ye bilanço
- Hejmara kesên mirin derket 12'an; va ne navên wan
.jpg)
.jpg)
