Diyarname
KNK’ê roja 13'yê mehê li ser salvegera kuştina Dr. Ebdurrehman Qasimlo peyameke bibîranînê weşand.

Kongreya Neteweyî ya Kurdistanê (KNK) li ser salvegera kuştina Qasimlo peyamek weşand û wisa got: “Serokê PDK‘a Rojhilatê Kurdistanê Dr. Ebdurrehman Qasimlo, berî 22 salan di 13’yê Temmuza 1983’yan de, di hevdîtinek aştî û çareseiryek demokratîk, ya bi Molleyên Îranê re, bi bêbextî û ji aliyê heman molleyan ve hate kuştin. Piştî 22 salan jî, dijminên gelê kurd û dagirkerên Kurdistanê dev ji îxanet û bêbextiya li dijî gelê kurd û lîderên kurd bernedane.”

KNK’ê di daxuyaniya nivîskî de got  Dr. Evdurrehman Qasimlo, lîderekî kurd û wisa got: “Dr. Ebdurrehman Qasimlo, heta roja dawî şoreşgerê azadiya gelê Kurd bû û baş dizanibû ku, azadiya gelê kurd di yekîtiya neteweyî a gelê kurd de veşartî ye. Ji bo vê jî heta roja dawî têkoşîn kir. Lê dijminên dagirkerên Kurdistanê, li dijî Dr. Qasimlo kemînek bêbextiyê danî û şehîd kirin. Piştî 22 salan jî, hîna dagirkerên Kurdistanê, dev ji bêbextî û lîstik, dek û dolabên li dijî lîderên kurd û gelê kurd bernedane.
Bi vê mebestê em wekî KNK’ê, Lîderê Kurd, Dr. Evdurrehman Qasimlo bi dilsozî yad dikin û bêbextiya dijminên dagirkerên Kurdistanê bi dijwarî şermezar dikin. Pêwîste gelê kurd, hêzên siyasî yên gelê kurd,  ji bêbextî û lîstikên dijminên xwe dersan bigirin û di vê pêvajoya dîrokî de wekî hêzeke herêmî derbikevin holê. Baş tê zanîn ku Rojhilata Navîn ji nû de tê dizayn kirin û dengeyên herêmê, ji nû de têne rûnandin. Gelê kurd li herêmê hêzêke mezin e û pêwiste vê hêza xwe di pêk anîna Yekîtiya Neteweyî de destnîşan bike û di guhertinên herêmê de rol û misyona xwe ya sereke bilîze. Serketina gelê kurd di yekîtiya neteweyî de ye.
Em wekî KNK’ê, diyar dikin ku, emê  li xewn û xeyalên şehîdê azadiyê, lîderê Kurd  Dr. Evdurrehman Qasimlo xwedî derbikevin û ala wî ya têkoşîna azadiyê di qada herî bilind de bibalivînin û ji mafên gelê kurd yên azadiyê jî paş de gavan navêjin.”