Diyarname
Vê hefteyê 12 fîlm ketine vîzyonê. Ji nav van em fîlmê derhêner Richard Linklater "Hit Man" derdixin pêş û pêşniyar dikin.
Profesor Gary (Glen Powell) li aliyekî li zanîngehê dersê dide, li aliyê din li saziya polîsan wekî karê duyemîn ji bo debarê karek din dike. Karê wî ew e, ewê wekî "kujerê kirêkirî" here cem mişteriyên ku dixwazin kesekî/e bikujin. Ewê bi mişteriyê/a xwe bide îtîrafkirin, polisên ku vê hevdîtinê qeyd dikin û dişopînin cih de wê wî an wê kesî/ê biqufilin û bi vî awayî dê kesek nemire. Lê ev mesele heta cihek diçe û dema Gary rastî Medisona (Adria Arjona) dixwaze mêrê xwe bikuje tê, evîndarê wê dibe, rewş diguhere.
Fîlmê romantik komedî fîlmekî herikbar e. Fîlmê ku derhêneriya wî Richard Linklater kiriye, îsal di 43'yemîn Festîvala Fîlman a Navneteweyî ya Stenbolê de jî hatibû nîşadayîn. Fîlm li festîvalên wekî New York, Venedik û Londonê jî hatiye nîşandayîn. Di nav fîlmên vê hefteyê de ev derdikeve pêş. Serlîstikvan Glen Powell dikeve gelek rolan û rolên xwe jî baş tîne cih. Ligel wî, Adria Arjona, Austin Amelio, Molly Kate Bernard û Mike Markoff dilîzin.
Di vê hefteya ku êdî dibistan têne girtin de ji bo yên bixwazin du fîlmên anîmasyonî jî hene. Yek yê Japon "Haikyu! The Dumpster Battle" (Derhêner Susumu Mitsunaka) û yê din "Bad Boys: Ride or Die" (Derhêner Bilall Gallah, Adil EL Arbi).
Va ne hemû fîlmên vê hefteyê:
- The Watchers / Derhêner IShana Shyamalan
- Miller's Girl / Derhêner Jade Halley Bartlett
- My Sailor, My Love / Derhêner Klaus Haro
- The Affering / Derhêner Oliver Park
- Bad Boys: Ride or Die / Derhêner Bilall Fallah, Adil El Arbi
- Hit Man / Derhêner Richard Linklater
- Combat Wombat / Derhêner Ricard Cusso / Anîmasyon
- Haikyu!! The Dumpster Battle / Derhêner Susumu Mitsunaka / Anîmasyon
- 3. Gece Habis  / Derhêner Anastasiya Budakva
- Teorem / Derhêner Erman Er
- Sihirli Ormana Yolculuk / Derhêner Şair Zaim
- An / Mustafa Ugur Yagcioglu

Fragmana "Hit Man":