Kerkûk

Berpirsê Melbenda Kerkûkê ya YNK’ê diyar kir ku YNK amade ye ligel hemû aliyên rêveberiya xwecihî ya Kerkûkê ya pêşerojê danûstandinan bike û got; “Fikra danîna parêzgarê bê alî, fikreke kevn e û ji bo niha ne guncav e.”

Li Kerkûkê 18'ê berfanbara 2023'yan li dar ketibû. Hê jî waliyê Kerkûkê nehatiye hilbijartin. Walî ji nav endamên Meclisa Kerkûkê tê hilbijartin. Ligel ku kurd di hilbijartinê de bûbûn yekemîn jî hin dixwazin ne kurd, lê walîtiyekî "bê alî" bê hilbijartin. YNK dijî vê fikrê ye û dixwaze walî ji wan be.

Berpirsê Melbenda Kerkûkê ya YNK’ê Rewend Mela Mehmûd têkildarî destnîşankirina parêzgarê Kerkûkê û rêveberiya xwecihî ya parêzgehê ji bo medyaya xwe axivî: “Li ser avakirina rêveberiya xwecihî ya Kerkûkê lihevkirinek heye, di meha bê de dê li ser projeyên ku tên amadekirin civînek ji bo guftûgoya li ser vê mijarê were lidarxistin. Hemû alî hewl didin postê parêzgarê Kerkûkê bi dest bixin, hizra destnîşankirina parêzgarekî bê alî vedigere sala 2003’yan. Ew fikir ji bo dema xwe guncaw bû, lê ji bo niha kevn e û ne guncav e.”

Rewend Mela Mehmûd diyar kir ku niha pêkhateyên din jî amade ne, YNK amade ye ligel hemû aliyan danûstandinan bike û divê di rêveriya xwecihî ya pêşerojê ya Kerkûkê de jî hemû alî beşdar bibin.

Rewand Mela Mehmûd di wê baweriyê de ye ku divê li ser posta parêzgarê Kerkûkê zêdetir gotûbêj bê kirin. 

Tê çaverêkirin ku her aliyek ji bo pêkanîna hikumeta xwecihî ya Kerkûkê projeyek pêşkêş bike û piştî gotûbêjan yek ji wan were pesendkirin.