Diyarname

Li Stamford Bridgeyê duello hebû... Derbiya mezin. Maça Chelsea û Manchester City (MC). Her du tîmên mezin ên Îngilistanê hatin hemberî hev. Di maçê de tam bi temamî 8 gol hebûn û her tîm bi pûanek vegeriya mala xwe.

Deqîqe 25, ji MC Erling Haaland bi penaltiyê perde vekir: 1-0. Zêde dem derbas nebû, piştî 4 deqîqeyan Chelsea bi Thiago Silva bersiv da: 1-1.

Dûre Raheem Sterling di deqîqeya 37'an de Chelsea derxist pêş û berî nîveka yekemîn bi dawî bibe di deqîqeya 45+1 de Manuel Akanji encam anî 2-2'yan. Nîveka yekemîn bi vî awayî bi dawî bû.

Di nîveka duyemîn de jî her kes li benda heyecanê, li benda golan bû. Û ew bendewarî hat cih. Dibin barana gur de ligel dilopên baranê gol jî bariyan: MC'ê hê di destpêka nîvekê, deqe 47'an de bi Haalandî bersiv da: 3-2. Nicolas Jackson di deqîqeya 67'an de encam kir yek: 3-3. Rodri di deqîqiya 86'an de carek din MC derxist pêş le Palmer di deqîqeya 90+5'an de got, "Na, li mala me pûanek a me ye": 4-4.

Temaşevanên li Londonê, hezkiriyên fûtbolê yên li ber ekranan 90 deqîqeyên bê rawestan, bi coş temaşe kirin. Di encama hefteya 12'yan de MC bi 28 pûanan di rêza yekemîn de cih girt. Dûre Liverpool û di rêza sêyemîn de Arsenal xwedî 27, Tottenham xwedî 26 û piştî van Aston Villa xwedî 25 pûanan e. Chelsea bi pûana ku girt bi 16 pûanan di rêza 10'an de ma.

Hefteya pêşiya me li Ewropayê maç nîn in, ji ber ku maçên ji bo Euro 2024 hene.