Diyarname

Prof. Naci Gorur li ser erdheja Marmarayê ji bo rojnameya Haberturkê axivî û agahiyên tirsnak dan. 

Va ne hin gotinên wî:

NAVBERA 7,2-7,6

- Erdheja ku li Stenbolê em li bendê de di navbera 7.2 - 7,6'an de dê çêbe. Ev yek teqez e. Xebatên zanistî vê yekê nîşan didin.

- Li ser kuçeyek du xanî xira bibin wê derê ji bîr bikin. Hûn çi alîkarî bibin jî hûn nikarin rizgar bikin. 

2,5 MÎLYON KES DÊ BANDORÊ BIBÎNIN

- Dibe ku Wezîr hin tiştan nebêje lê em mirovên zanyar in, em eşkere dibêjin. 600 hezar heb mal, hûn dixwazin li her malî 4 kesî bifikirin, dike 2.5 mîlyyon însan ku bi mirinê re rû bi rû ne. Di erdhejeke wisa de mirina ew qas kesî li Komara Tirkiyeyê nayê. Gere bi awayekî cidî em li ser vê bisekinin.

- Helbet gotina Stenbol şaş e, gere em bibêjin Herêma Marmara. Ji ber ku li vê herêmê bajarê mezin Stenbol e wisa tê gotin.

- Li Marmarayê bi dirêjahiya 160 kîlometreyî fay heye. Erdheja em li bendê pêşî li Faya Kumburgazê çêbibe. Di erdhejê de ji Stenbolê heta Tekîrdaxê dê bandor çêbe. Meziniya erdhejê, erd, zêdebûan avahiyan dê berfirehiya erdhejê biguhere. Heta Balikesir. Çanakkale, Yalova jî bikeve bin bandora wê.

24 SALAN DE STENBOL DIKARIBÛ BIHATA AMADEKIRIN

Di 24 salên barî de Stenbol dikaribû bihata amadekirin. Lê bi halê xwe yê îro Stenbol ji bo erdhejê ne amade ye. Em nikarin bibêjin qet tiştek çênekirin, lê ev yek têrê nakin. 

BEDLÎS-CULEMÊRG

Erdheja 6'ê reşemî hevkêşeyên wê herêmê xira kirine. Nêzî wê herêmê Tejaneya Edene heta Culemêrgê, herêma Bedlîs-Culemêrgê di astek de erdhej çêbibe şaş nebin.