Diyarname

Fîlmê derhêner Kazim Oz û Semih Aslanyurek ê bi navê "Elîf Ana" beşdarî 32'yemîn Festîvala Fîlman a Şovelyeya Zêrîn a Navneteweyî ku li Gronziya Rusyayê li dar ket. Fîlmî Xelata Taybet a Juriyê û Xelata Taybet a Komîteya AMadekar, 2 xelat girtin.

Festîvala ku her sal li bajarek li dar dikeve îsal 8 roj berê li Grozni ya paytexta Çeçenyayê li dar ket. Ji gelek welatan fîlm hatin nîşandayîn. Elîf Ana jî di vê çarçoveyê de hat nîşandayîn û di nav pêşbaziyê de bû. Yek ji derhênerên fîlm Semih Aslanyurek beşdarî merasima xelatdayînê bû û xelat girt. Aslanyurek sipasiya amadekarên festîvalê kir.

Fîlmê Aslanyurek û Oz ê bi navê "Elif Ana" li ser jiyana Elif Sugan hatiye kişandin. Sugan li gundê Pulyana Bazarcixa Mereşê hatiye dinê li wê herêmê yek ji pêşengên derdora elewî ye. Fîlm bi ser karaktera wê de hezkirin, aştî, wekhevî, parvekirin, xweşbînî û dilrehmiyê tîne ziman.

Di film de kesên wekî Aliye Uzunatagan, Ali Surmeli, Hulya Diken, Necmettin Çobanoglu, Turgay Tanulku, Oyku Şahin, Sadik Gurbuz, Cezmi Baskın, Füsun Demirel, Orhan Aydın, Cansu Fırıncı, Rıza Sönmez, Muhlis Asan, Erdal Ayna, Kazim Çarman, Levent Uzumcu û Eray Turk dilîzin. Muzîkê fîlm Erkan Ogur çêkiriye.