Diyarname

Hunermenda navdar, îkoneke muzîkê Tina Turner di 83 saliyay xwe de mir.

Kralîçeya rock'in rollê Tina Turner li dû xwe naveke mezin hişt û xatir xwest.

Tina Turner roja 26'ê sermaweza 1939'an li Tennesseeya DYA'yê hatiye dinê. Di sala 1956'an de Ike Turner wê kişf dike ku paşê ev her du dê bi hev re bizewiciyana.

Di salên 1960'î de ligel mêrê xwe Ike Turner koma muzîkê Ike & Tina Turner ava kirin. Piştî ku di sala 1975'an de ew û mêrê xwe dest ji hev berdan, Turner bi tena serê xwe karê xwe yê muzîkê domand. Piştî 1976'an heta salên 80'yî hinek bêdeng bû lê salên 80'yî bo wê bi berhem bûn.

Di van salan de stranên wê "What’s Love Got to Do with It" gelek navdar bû û li Îngilistanê di rêza 3'yan, li DYA'yê derket serê lîsteyê. Bi albuma ku ev stran jî têde bû di Grakky de 2 xelat, Xelata Albuma Herî Serketî û Pop Vokal a Jin ya Serketî girt. Ev stran di sala 1993'yan de bû fîlm jî.

Tina Turner tam 12 xelatên Grammy girtin. Di 30 salên muzîkê de bi ser 180 mîlyon hebî re albumên wê hatin firotin.

Turner di sala 2013'yan de bû hemwelatiya Swîsreyê û li wir dijiyan. Di salên dawî de bi xweşiya qansêrê ketibû, di heman demê de gurçikên wê têk çûbûn.

Hunedmend Tuna Turner roja 24'ê gulanê li Kusnacth a Swîsreyê mir.