Diyarname
Pirtûka Claude Emmanuel Joseph Pierre bi nave “Zerduşt, Konfuçyus ve Muhammed” ji Weşanên Avestayê derket.

Di pirtûkê de Pierre, pêxemberê Îslamê Hz. Mihemed bi Zerdeşt û Konfuçyus re dide ber hev, ji aliyê alimiya olî, sazkirina zagonan û ji aliyê ehlaqê ve nêzîktêdayîna wan dide ber hev, dema li ser Hz. Mihemed disekine jî Quranê ji xwe re wekî referans digire.

Pirtûka ku di sala 1876’an de de li Parîsê ji aliyê Akademiya Wêje û Nivîsê ya Kraliyetê ve hate weşandin ji aliyê Akademiya Wêjeyê ve hate xelatkirin.

Nivîskarê pirtûkê Claude Emmanuel Joseph Pierre dema ev pirtûk ji bo çapê amade kiribû wisa nivîsî bû: “Asya ku wekî cihê tiral û sistoyan tê binavkirin her gav vê rexneyê heq nake. Ji ber ku hin ji kesên girîng ên li ser gerdûnê zagon sazkirine li vê derê derketine hole. Herêmê, Zerdeşt, Konfuçyûs û Mihemed derxestine hole. Tevgereke layiqê Akademiyê ye ku em berê xwe didin wan. Dibe ku heta niha Akademiya ew qas mijareke baş pêşkêş nekiribû.”
Pierre diyar kiriye ku di nav van her sê kesan de Zerdeşt ê herî kevn e û wisa dom kiriye: “Pirtûka min bi wî dê dest pê bike. Piştî li ser şexsiyeta wî bisekinim, ezê sazkirina zagonan a ji aliyê wî ve û nêzîktêdayîna wî ya ehlaqî vebêjim. Ezê ji bo Konfuçyuz û Mihemed jî heman rêbazê bişopînim. Herî dawî ezê li ser van xalan wan bidim ber hev.”

Nivîskar  Claude Emmanuel Joseph Pierre di 24’ê berfanbara 1755’an de li Marsilyayê hatiye dinê. Ew parêzer, wêjevan û siyasetmedar bû. Di 1971’ê de mebûsê Parîsê bû ku di heman demê de wê demê Serokê Meclisê bû. Di heman demê de ji bo kurtedemekê Wezîriya Karên Hundir jî kir. Pierre ku di 28’ê rezbera 1840’î de mir, çend pirtûk li dû xwe hişt ku yek ji wan niha Weşanên Avestayê wergerand tirkî.
Pirtûka  “Zerdeşt, Konfuçyus û Mihammed” ji aliyê Heval Bucak ve ji fransî ji bo tirkî hat weşandin.

Zerdeşt, Konfuçyus û Muhammed /  Claude Emmanuel Joseph Pierre / Wergera ji fransî ji bo tirkî: Heval Bucak / 264 rûpel