Diyarname

Pêşbaziya Helbestan a Arjen Arî îsal serketiyê pêşbaziyê eşker kir: Deftera Qetayî (Rêzan Diljen).

Pêşbaziya Helbestan a Arjen Arî îsal 10'emîn car li dar ket. Weşanên Sor û malbata Arî pêşbaziyê li dar dixin û serketiyên wê di Roja Cejna Zimanê Kurdî de eşkere dikin. Û îro encam hat eşkere kirin. Rêzan Diljen bi berhema xwe "DEFTERA QETAYÎ" bi ser ketiye. 

Amadekarên pêşbaziyê îro bi daxuyaniyeke nivîskî encam eşkere kirin. Di daxuyaniyê de wisa hat gotin: "Em li ser navê pêşbirkê û Weşanên Sor cejna zimanê kurdî pîroz dikin û hêvî dikin ku ev pêşbirk hê gelek şairên jîr bigihîne edebiyata kurdî û bi qelemên wan edebiyata kurdî bi pêştir ve biçe."

Îsal juriya pêşbaziyê ji Lal Laleş, Îrfan Amîda, Zahir Kayan, Yehya Omerî û Necla Arî pêk dihat. Pênc endamên juriyê dosya nirxandin û "Deftera Qetayî" a Rêzan Diljen hilbijartin.

Rêzan Diljen kî ye?

Rêzan Diljen di sala 2000'an de li Batmanê hatiye dinê. Ew niha li Wanê diransaziyê dixwîne. Heta niha helbest, çîrok, werger û nivîsên wî di malper û kovaran de hatine weşandin.

Amadekarên pêşbaziyê ligel vê, her sal Xelateke Rûmetê jî didin ku îsal navê mebûsê HDP'ê GARO PAYLAN eşkere kirine. 

Ji bo merasima xelatdayînê di demên pêş de dê agahî bêne belavkirin.