Diyarname

Ew kaykerdoxêke ecêb e. Zehf tope ra hez keno. Belkî tope jî êra hez kena. Di her maçe de gole erzeno. Û bi enî golan dîrokey Premier Lîgî serobin kerd. Ma qalê Haalandî kenê.

Erling Haaland serey 2000'î de hamey dinya. Hema 23 sere wo. Ew Norwec ra wo. Wexto tût bî Bryne de kay kerd,  dimara şî Molde, serey 2019-20 de Red Bul Salzburgî ew transfer kerd. Ew ca beyray Borussuia Dortmundî cirê bî a. Serey 2020-2022'yinan de tiya kay kerd û di 67 maçan de 62 golî eyştî. Û tîmî îngiliz Manchester City ew transfer kerd. Qeybî ê Premier Lîg gamêke pîl bî. Heyecanêke newe bî. Ê bi eno heyecanî dest bi serey 202-23 yê Premier Lîgî kerd.

Manchester City rocê 3'yê gulanî kê xwu de West Ham United dir kay kerd. Bi 3-0 bi ser kewt. Ake, Haaland û Foden golî eyştî. Bi ene gola ke Haalndî eyşte ra tam bî 35 golî ke emsar di Premier Lig de erzeno. Çi rê muhîm o? Çimkî heta enka ti kaykerdoxî di serêke de Premier Lig de endêke golî nê eyştî bî. Loma zî Haaland tarîxê Premier Lîgî sero bin kerd.

Heta enka Alan Shearerî  serey 94-95 de 34, Andrew Coleî serey 93-94 de 34 golî, Mohamed Salah zî serey 2017-18 de 32 golî eyştî bî. Înan serêke de 42 maçî kay kerdîbî û endêke golî eyştî bî. 

Di lîg de maçê heftey 34'inan hamey kaykerdişî û Haaland resa 35 golan. Premier Lîg de 38 heftey estê. Yanê 4 heftey mendê. Û maçêkey Manchester City zî niyamiya keykerdişî, keno 5 heftey. Îhtîmal esto Haaland enî heftan de zî golan berzo, û rekor 34 ra bero 40.

Ana derbas bibo îhtîmal esto Goga Zêrîne zî bigîro.