AMED
Weqfa Îsmaîl Beşîkçî vê carê li Amedê bi bernameyekê hate nasandin. Di civîana nasandinê de Şaredarê Bajarê Mezin ê Amedê Osman Baydemîr got ku Beşîkçî Galileyê serdema me ye.

Piştî Stockholm û Stenbolê vê carê li Amedê civîna nasandina Weqfa Îsmaîl Beşîkçî hate li darxistin. Civîna ku li Şanogeha Bajarê Mezin li dar ket de  mebûsa BDP'ê ya Amedê Leyla Zana, Şaredarê Bajarê Mezin ê Amedê Osman Baydemir, Şaredarê Sûrê Abdullah Demîrbaş, nûnerên saziyên sivîl ên civakî û gelek nivîskar amade bûn.

Di bernameyê de sînevîzyona ku Weqfa Îsmaîl Beşîkçî dide nasandin hate temaşekirin. Piştî sînevizyonê endamê rêveberiyê yê weqfê Îbrahîm Gurbuz axivî, der barê serdema zanîngehê û nasîna Beşîkçî ya bi kurdan re agahî da beşdaran. Gurbuz, Beşîkçi wekî Sokratesê niha, Donkişot û Ehmêde Xanê bi nav kir.

Gurbuz, da zanîn ku ger pirtûkên Beşîkçî ji nû ve çap bikin dê bi kurdî û îngilîzî werger bikin û dixwazin gora wî li Amedê be.

Şaredarê Bajarê Mezin ê Amedê Osman Baydemîr jî got ku Beşîkçî Galileyê serdema me ye. Baydemîr, diyar kir ku bandora Îsmaîl Beşikçî ya li ser ronîkina tariya li ser kurdan zêde ye û got ku ji bo weqfê çi ji destê wan bê dê bikin.

Şaredarê Sûrê Abdullah Demîrbaş jî got ku ew dê ji bo Weqfa Îsmaîl Beşîkçî li cih û warekî bigerin û Beşîkçî wekî hemşehriyê kurdan ê faxrî dibînin.