Diyarname
Fûara Pirtûkan a Stenbolê TUYAP sibê. Di fûarê de tenê paneleke li ser kurdan heye: "68'ê kurdan, kurdên 68'an".

TUYAP'a îsal bi diruşma "1968-40 sal berê, 40 paşê" li dar dikeve. Nivîskara rûmetê ya îsal nivîskar Furuzan e. Fûarana ku îsal 27'emîn car deriyên xwe ji bo pirtûkhezan vedike nêzî 550 weşanxane û saziyên sivîl beşdar dibin. Di nav beşdaran weşanxaneyên kurd Aram, Avesta, Deng jî bi pirtûkên xwe yên kurdî beşdar dibin.

Fûar heta 7'ê mehe li dar e û di nav gelek çalakiyên 68'an de paneleke bi navê "68'ê kurdan, kurdên 68'an" li dar dikeve. Di panela ku ji aliyê Evrensel Basim û kovara Tîrojê ve tê li dar xistin de, dê nivîskar Îsmail Beşikçi, Faik Bulut, Aydin Çubukçu, Kemal Parlak li ser '68'an û kurdên ku di wê demê de di nav tevgera 68'an de bûn biaxivin.
Yek ji panelên balkêş a li ser 68'an jî çalikiya "Bav-kur 68'an nîqaş dikin" e. Di çalakiyê de nivîskar Oral Çalişlar ku wê demê çalakvanên tevgera 68'an bû û kurê wî Reşat Çalişlar dê beşdar bibin.
Digel fûarê 18'emîn Fûara Hunerê ARTÎST jî deriyên xwe vedike. Di ARTÎST'ê de pêşangeha li ser mêvana rûmetê Furuzan bi navê "Çîrokek wek Furuzan" li dar dikeve. Her wiha pêşangeha "Sê qêrînên bêdeng: Allianoi, Heskîf, Zeugma" jî li dar dikeve û bi vê pêşangehê dê bikin ku dengê van her sê cihan bigihînin raya giştî.
Pêşangeha kovara Kamil Ko-Yolculuk jî li ser Anadolî, dîrok, xweza û rêwîtiya ber bi mirov ve ye.

***

Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.