Diyarname

Li Amed, Stenbol, Batman, Mêrdîn û Wanê dawiya vê hefteyê hin çalakî hene. Me ew ji bo we neqandin.

Kerem bikin:

AMED

'Dek û Dolabên Scapen'

Şanoya Bajêr a Amedê vê dawiya hefteyê lîsteka xwe "Dek û Dolabên Scapen" dilîze. Lîstika Moliere ji aliyê Dilawer Zeraq ve hatiye wergerandin û derhêneriya wê Ozcan Ateş kiriye.

Lîstik rojên 24 û 25'ê mehê saet 20.30 de li dika wan dê derkeve pêşberi temaşevanan.

Pereyên ku ji van du rojan bêne bi dest xistin dê ji bo zarokên mexdûrên erdhejê bêne bikaranîn.

ji bo têkilî: amedtiyatro.com 0412 224 24 26

*** 

STENBOL

'Nîsko'

Lîstika Golge Sanatê ya bi navê "Nîsko" 25'ê adarê li Navenda Çandê Erol Olçok a Eseryutê bê pere tê pêşkêş kirin. Lîstik saet 15'an de dest pê dike.
Li aliyê din Şanoya Bajêr a Stenbolê ji bo roja 27'ê Adarê Roja Şanoyê ya Cîhanê 9 lîstikan bê pere pêşkêş dike.

*** 

MÊRDÎN

'Penceşêr'

Koma Şaneşîn lîstika Roland Topor a bi navê "Penceşêr" pêşkêşî şanogehan dike. Lîstikan ku M. Xalit Ertoşî û Recep Îçen li kurdî aniye, jeriya wê Recep Îçen kiriye.

Lîstik vê dawiya hefteyê, roja 26'ê mehê saet 20.30 de li Odeya Eczaciyan a li Artûklûya Mêrdînê bê lîstin.

Ji bo têkilî: 0542 553 8480

*** 

BATMAN

Lîstika Tiyatro Mast a bi navê "Morî" 25'ê mehê saet 21.00 de li Yenisahne ya li Batmanê tê lîstin. Di lîstika yek kesî de Ozge Samuk dilîze.

Lîstikvan "Cimri" 27'ê mehê di çarçoveya Roja Şanoyê ya Cîhanê de tê listin. 30'ê mehê jî lîstika "Serbaz" dê li pêşberî temaşevanan be. Her wiha lîstika "Tirş û Tehl" jî 31'ê mehê li ser dikê ye. Ev hemû saet 21'ê de dest pê dikin.

'Vik û vala'

'Vik û vala' navê Stand-upa Erdal Kaya ye. Stand-upek nû ye. Û yekem car roja 29'ê adarê dê li Yenisahneyê be. Lîstik saet 21.00'an de dest pê dike.

***

WAN

"Dîsa tevlihev Bû"

Şano Wan lîstika xwe "Hay lo... Dîsa Tevlihev Bû" ji bo zarokên mexdûrên erdhejê dilîze. Lîstik li ser dika wan  rojên 25 û 26'ê mehê saet 20.30 de dê bê lîstin û pereyên bêne bidest xistin dê ji bo mexdûrên erdhejê bê şandin.

Têbinî: Agahiyên nû bên emê lê zêde bikin...