Diyarname

"Min di sala 1993’yan de dest bi nivîsê kir. Nivîsa min a pêşî di rojnameya Welat de hate weşandin." Ev gotinên nivîskarê me Cîhan Roj in. Îsal bû 30 sal ku ew ji bo kurdî kedê dide. Û di vê 30 saliya xwe de ew bi hemû berhemên xwe beşdarî Weşanxaneya Peyywendê bû. Pêşî dê du pirtûkên wî yên nû, yên çapa yekem û paşê pirtûkên din peyderpey dê li Peywendê çap bibin.

Peywend: Emê hemû berheman biweşînin

Peywendê beşdariya Cîhan Roj ji bo weşanxaneya wan bi vî awayî ragihand, "Şaîr û romanûsê kurdê wê bi hemû berhemên xwe ligel Weşanxaneya Peywendê be. Peywenda ku mîsyona xwe li ser ziman û cihana kurdî saz kiriye, heta niha bi projeyên wekî weşandina klasîkên kurd û 'tez'ên li beşên kurdolojiyê hatî çêkirin derfetên xwendinê ên cuda pêşkêşî xwendevanên kurdî kiriye, ê hemû berhemên Cîhan Roj biweşîne." 

Roj: Bo nivîskariya min wê salek xweş û nîşan be

Li ser vê beşdariyê Cîhan Roj dîtin û hestên xwe wisa anîn ziman: "Ez kêfxweş im ku di sî saliya nivîskariya xwe de, bi hemî berhemên xwe ez ê ligel  Peywendê bimeşim. Bo nivîskariya min salek xweş û bi nîşan be; hemî berhem wê li Peywendê bin. Dosyayek şiîrê a nû û romanek nû wê werin weşandin. Di nivîskariyê de, xwendevanan, rexnegir û dostên edebiyat û ziman, komên xwendinê, weşanan her eleqe rê berhemên min dan. Aniha jî Peywend li ser sekna mîsyona xwe ya derheq ziman û edebiyata kurd de wê hemî berhemên min biweşîne. Bi hêvî me ez ê her bi coş, bi kelecan li warê kurdî bi berhem bim."

30 sal ked û gelek berhem

Heta niha 14 pirtûkên Cîhan Roj wekî helbest, çîrok û roman derketine. Niha diduyên  din li wan zêde dibin û dê bibin 16 heb. Di 30 salan de 16 pirtûk, gelek gotar û lêkolîn. Gelek nivîsên wî yên quncik di Diyarnameyê de, gelek nivîsên din di rojname û kovaran de. Niha pirtûka wî ya helbestan bi navê "Asê" amade ye. Û romana wî ya bi navê "7 av, 7 agir, 7 derî" tê amadekirin. Li gor bernameyê di meha adarê de ev berhemên nû derên. Paşê jî yên din li dû hev bêne çapkirin.

Berhemên Cîhan Roj ên ku dê bên belavkirin bi vî rengî ne:

1- 7 AV 7 AGIR 7 DERÎ, Roman, çapa yekem

2- ASÊ, Helbest, çapa yekem

3- GÎTARA BÊ TÊL, Roman, çapa sêyem

4- EDEBÎYATA MODERN A KURDÎ, Ceribandin, Wşandina duyem

5- ARMONÎKAYA HÊŞÎN, Roman, weşandina duyem

6- DEMA KULÎLKAN, Çîrokên ji hemû çîrokan hatî hilbijartin

7- MAHRUM, Roman, wergera li tirkî, çapa duyem

8- ŞAYÎR Û DEFTER, Helbest, weşandina duyem

BERHEMÊN MAYÎ ÊN WERIN WEŞANDIN

1- MALA BAZ, Roman, çapa duyem

2- HURCAHIL, Roman, çapa duyem

3- REŞ, Roman, çapa duyem

4- SERKÊŞ, Roman, çapa duyem

5- AV Û BERF, Helbest, çapa duyem

6- ŞEŞAQIL, Roman, çapa duyem

7- MEŞA MORIYAN, Roman, çapa duyem

8- SOM, Roman, çapa duyem

9- PERDE, Roman, çapa duyem