STENBOL
Xwediyê Şîrketa Lêkolînê ya A&G Adil Gur ku gotibû dê BDP 32 mebûsan derxe vê carê got: Ger pêvajo wisa bidome BDP di hilbijartina ku dê 2014'an 2015'an de li dar bikeve de dê bendava sedî 10 a hilbijartinê derbas bike.
Gur li ser lêkolîna xwe ji bo rojnameya Vatanê re axivî. Vane hin gotinên Gur:
- Dema me ev lêkolîn pêk anî, bûyera li Qilabanê neqewimîbû. Ger me îro ev lêkolîn pê bianiya, belkî dengên BDP’ê zêdetir derbiketa. Bûyera Roboskiyê ji bo AKP’ê şikestineke mezin e.
- Li gorî encamên ku li 7 hezar xaneyan hate kirin, ger îro hilbijartin pêk were, dê BDP ji sedî 8’ê dengan werbigire. - Gava em piştî hilbijartinê li rewşê mêze dikin em dibînin ku AKP gotin û daxuyaniyên xwe yên nijadperest berdewam dike. Ji ber wê jî dengê kurdan winda dike. AKP dengê kurdan winda dike, lê dengên nijadperestên li herêmên Ege, Akdenîz û Anatolyaya Navîn zêde kiriye.
- Li gorî lêkolîna wana MHP û CHP deng wenda dikin.
- Li gorî lêkolînên din dengên BDP’ê ji sedî 4 an jî 6 e. Lê lêkolîna me cuda ye. Ger aniha hilbijartin pêk bê, BDP dê ji zêdetirê ji sedî 8’ê dengan werbigire.
- Ger ev pêvajo wiha berdewam bike, BDP dengê xwe di hilbijartina pêşwext a 2014 an jî hilbijartina 2015'an de benda hilbijartinê ya ji sedî 10 derbas bike. Du sedemên vê yekê hene, ya yekem zêdebûna dengên BDP’ê û ya duwemîn jî nifşê ciwan ên ku dê nû dengên xwe bi kar bînin. Li Tirkiyeyê, bi awayeke giştî serê her xaneyekê 4 kes in, lê di xaneyên ku dengên xwe didin BDP’ê de du qat zêdetir mirov dijîn. Yanî heft –heşt kes dijîn. Şêniya zarokên van xaneyan zêde ne û dê di nava du salan de bigihin mafê dengdanê. Ev yek jî dê dengên BDP’ê zêde bike.
- Berî du salan dema pirsa “Hûn rêveberiyeke xweser dixwazin?” dihate pirsîn, dengên herî kêm ên kurdan digotin ‘belê'. Lê piştî ku BDP her roj di her firsendê de behsa xweseriyê dike, ev yek bû sedem ku hejmara kurdên ku daxwaza xweseriyê dikin zêde bibin.
- (Adil Gur li ser pirsa "BDP zêde navberê naxe navbeyna xwe û PKK’ê, gelo hibijêrên wê navber dixin navbera navbeyna xwe û PKK’ê?” jî wisa gotiye) Nexêr, navber naxin navbera xwe û PKK’ê. Beşek ji kurdên dengên xwe didin AKP’ê dibêjin “PKK rêxistinek terorîst e”, lê ji sedî sedê hilbijêrên BDP’ê dibêjin “PKK rêxistina parastina mafên gelê kurd e.”