Diyarname
Rêberê berê yê Afrîkaya Başûr Nelson Mandela ku li hemberî rejimar apartheid-nijadperest têkoşîn dabû, niha li ser jiyana wî rêzefîlmekî tê kişandin.

Li gor nûçeya rojnameya Guardinê li ser jiyana Mandela a 60 salan ku 27 salên wî di girtîgehê de derbas bû û piştî ji girtîgehê derket bû Serokomar rêzefîlmekî tê kiaşandin. Rêzefîlm dê şeş beş be lê hê nayê zanîn dê di rêzefîlm de kî bilîze.

Hat gotin ku butçeya rêzefîlmî 20 mîlyon dolar e û saziyên weşanger ên li Îngilistan û Dewletên Yekbûyî yên Amerîkayê li ser rêzefîlm dest bi hevdîtinan kirine.

Produktorên rêzefîlm diyar kirine ku senaryoya rêzefîlm dê li gor du pirtûkên otobiyografîk ên Mandela bê amadekirin. Weqfa Nelson Mandela jî deriyên arşîva xwe ji bo amadekarên rêzefîlm vekiriye. Dê navê rêzefîlm "Madiba" be ku ev nav eşîra Mandela ya li Afrîkaya Başûr lê kiriye.

Di sala 2009'an de derhenêr Clint Eatwood fîlmekî bi navê "Invictus" kişandibû û di vî fîlmî de rola Mandela lîstikvan Morgan Freeman lîstibû.
Nelson Mandela par havînê 93 saliya xwe pîroz kir.