Diyarname

Ji bo Brezîlyayê nîv saet têrê kir. Deqeyên din? Hema ji bo dem temam bibe. Em qala maça Brezîlya û Koreya Başûr dikin. Di maça Dora 16’an a Kûpaya Cîhanê 2022 Qatar de Brezîlya bi 4-1 bi ser ket û derbasî çarîk fînalê bû.

Maç li Stadyûm 974 hat lîstin. Vinicium Junior di deqîqeya 7’an de perde vekir, di deqîqeya 13’yan Nemyar ji penaltiyê gola duyemîn avêt. 

Di deqîqeya 29’an de Richarlison û deqîqeya 36’an de Lucas Paxueta skor bir 4-0’ê. Piştî vê kêliyê Brezîlye ji bo demê temam bike lîst.

Tekane gola Koreya Başûir di deqîqeya 77’an de Pail Seung-Ho avêt.

Bi vê encamê re Brezîlya derbasî çarîk fînalê bû û bû reqîbê Hirvatistanê ku Japonya bi penaltiyan têk biribû.

Di vê navberê de Neymar bi gola ku avêt bi formaya tîma neteweyî bû 76 golan diavêjin. Pele bi 77 golan di rêza yekemîn de ye.

KARNEYA BREZÎLYAYÊ

Brezîlya heta niha 5 caran di vê Kûpaya Cîhanê de bi ser ketiye. Karneya Brezîlyayê heta niha bi vî rengî ye:

1930 - Dora Yekem

1934 - Dora Yekem

1938 - Sêyemîn

1950 - Duyemîn

1954 - Çarîk Fînal

1958 - Şampiyon

1962 - Şampiyon

1966 - Dora Yekem

1970 - Şampiyon

1974 - Çaremîn

1978 - Sêyemîn

1982 - Dora Duyemîn

1986 - Çarîk fînal

1990 - Dora Duyemîn

1994 - Şampiyon

1998 - Duyemîn

2002 - Şampiyon

2006 - Çarîk fînal

2010 - Çarîk fînal

2014 - Çaremîn

2018 - Çarîk Fînal

ÇARÎK FÎNALÎSTÊN NIHA

Heta niha ev tîm derketine çarîk fînalê:

- Fransa - Îngilistan

- Hollanda - Arjantîn

- Hirvatistan - Brezîlya