Diyarname

Di Kûpaya Cîhanê de maçên koman temam bûn. Yên di komên xwe de rêzên yekemîn û duyemîn girtin derbasî Dora 16’an bûn û her du tîmên din vegeriyan malên xwe.

Maçên dawî îro di Koma G û Koma H de bûn. Di Koma G de surprîz çênebû. Brezîlyaya ku bi 6 pûanan derketina ji komê bi dest xistibû, li hemberî Kamerûnê bi 1-0 têk çû, dîsa jî wekî yekemînê komê ji komê derket.

Di maça din de Sirbistan û Swîsre hatin hemberî hev. Swîsreyê bi 3-2 Sirbistan têk bir û bû 6 pûan, wekî duyemîn ji komê derket. Kamerûn û Sirbistan vegeriyan malên xwe.

Di Koma H de jî Portekîz bi 6 pûanan rehet bû ji ber ku bilêt xistibû bêrîka xwe. Lê surprîz tam li vê derê bû, Portekîz û Koreya Başûr li hemberhi hev bûn, ku Koreya Başûr xwedî pûanek bû. Di maça din de jî Gana û Ûrûgûay xwedî pûanek bûn. Koreya Başûr bi 2-1 Portekîz têk bir û bû 4 pûan. Li maça din jî Ûrûgûay Gana bi 2-0 têk bir bû 4 pûan. Kîjan tîm dê ji komê derê? Koreya Başûr derket. Çima? Ûrûgûay 2 gol xwaribûn heta niha û 2 gol avêtibûn, averaj sifir bû. Koreya Başûr jî 4 gol xwaribûn û 4 gol avêtibûn, avaraj sifir. Lê ji ber ku 4 gol avêtibûn ev hat hesabê û Koreya Başûr bi vî awayî ji komê derket û çûn Dora 16’an. Ûrûgûay û Gana vegeriyan mala xwe.

Maçên Dora 16’an 3’yê mehê dest pê dikin û dê 6’ê mehê temam bibin. Tîmên bi ser bikevin dê derbasî  çarîk fînalê bibin.

***
 

Nûçeyên Kûpaya Cîhanê:

- Kûpaya Cîhanê 2022 Qatar, Rûpela Taybet