Diyarname

Şaredariya Panosa Agirî ji bo 3 rojan Rojên Çand û Hunerê li dar dixe. Di vê çarçoveyê de roja pêşî dîwana dengbêjan li dar ket. 

Şaredariya Panosê ku di destê HDP’ê de ye Rojên Çand û Hunerê li dar dixe. Çalakî 3’ê mehê dest pê kir û 5’ê mehê dê bi dawî bibe. Roja 3’yê mehê Dîwan Dengbêjan li dar ket.

Dengbê Apê Ûsiv, Mukkaddes, Miraz, Reşidê Panosê û Evdirrehmanê Panosê beşdar bûn û klamên xwe pêşkêşî beşdaran kirin.

Li gor bernameyê 4’ê mehê dê lîstika şanoyê “Xal û Xarzî” bê lîstin. 

Roja 5’ê mehê bi roj dê ji bo zarokan atolyeya lîstikan bê saz kirin, êvarê jî dê konsera Azad Berdan li dar bikeve û rojên çalakiyê bi vî awayî bi dawî bibe.