Diyarname

Li Tirkiyeyê di warê fûtbola jinan jî ya mêran de jî lîga herî bilind Super Lîg e. Di Super Lîga

Tîma fûtbolê ya Jinan de Koma A û Koma B heye.  Tîma jinan a fûtbolê ya Amed Sporê di Koma B de dilîze. Îro tîma Amed Sporê li Stenbolê mêvanê Kîreçburnuyê bû. Jinên Amed Sporê bi 9-1 bi ser ketin. Di maça ku li Çayirbaşiya Sariyera Stenbolê hat lîstin de hinek temaşevanan piştgirî dan Amed Sporê.

Bi vê serketinê jinên Amed Sporê di encama maça diduyan de bi 4 pûanan bû sêyemîn. Di maça hefteya çûyî jinên Amed Sporê li mala xwe ligel Konak Belediye Sporê 1-1 mabû.

Di encamên maçên duyemîn ên Koma B de Ankara BB Formet Spor bi 6 pûanan yekemîn, Galatasaray bi heman pûanê duyemîn e. Piştî Amed Sporê Konak Belediye jî bi 4 pûanan 4’emîn e. Bi rêzê Fenerbahçe, 1207 Antalya, Ataşehir BLD her yek xwedî 3 pûanan in. Trabzon, Adana Îdmanyurdu û Kîreçbûrnû hê qet pûanên wan nîn in.