Diyarname

Bi navê "Festîvala Muzîkê ya Cizîrê" bi piştgiriya Walîtiya Xirnexê û Qeymeqamiya Cizîrê ku di heman demê de kayûmê Cizîrê ye jî 30'ê vê mehê dê li dar bikeve. Di nav kesên beşdar dibin de du hunermendên ku bi kurdî muzîkê dikin û li nav qada muzîka kurdî xwedî qedr û qîmet in jî hebû: Tara Mamedova û Xêro Abbas.

Ji bilî van Sefo, Kurtuluş Kut, Burak Bulut û Mr. Dosso Dossi hebûn ku Dosso Dossi bi xwe vê organîze dike. Li nav tora civakî ev festîval hat qedexe kirin. Gelek kesî ji organîzatoran zêdetir ji hunermendên kurd xwest ku beşdar nebin.

Li ser vê Tara Mamedova gotibû ezê nêzik de agahiyê belav bikim. Xêra Abbas ku heta niha tiştek negotibû îro bi ser hesabê xwe yê twitterê re peyamek belav kir û got ew beşdarî vê festîvalê nabe. Abbas wisa got, "Hevalên min ên delal, çend roj berê min ji organîzasyona muzîkê re ragihandibû ku ez beşdarî festîvala muzîkê ya Cizîrê ya 30'ê Cotmehê nabim. Silav û hezkirin"