Diyarname

Li Tirkiyeyê cihek serjimariya wir bi ser du hezar kesî re be ew der dibe navçe. Cihek bi ser 20 hezarî re be ew der dikeve statuya bajêr. Bifikirin ku kompaniyek bi qasî nifûsa bajarekî mirovan kom dike û kincan li wan dike, fotoyê dikişîne. Em qala kompaniya bi navê Moncler dikin. Kompanî di sala 1952'yan de li Fransayê hatiye avakirin û navdar e. Kompanî ji bo 70'emîn salvgera avakirina xwe li Meydana Duomoyê ya Mîlanoya Îtalyayê tam 18 hezar kes kom kirin, kincên amade kiribûn liwan kir û foto kişand.

Kompaniyê bi heman rengî ceketê bi modela "Maya" li wan kir û foto kişand. CEO'yê kompanî Remo Ruffini li ser vê yekê wisa gotiye, "Duh êvarê li meydana Duomo me portreya mikemel a pêşerojê ya Moncler dît."

Li aliyê din kesên navdar ên wekî Pharrell Williams, Anne Hathaway, Alessandra Ambrosio, Colin Kaepernick, Elsa Hosk, Normandi, Shailene Woodley, Future û Maria Sharapova hatin temaşekirina vê seramoniyê. Her wiha pîrozbahiyên kompaniyê dane dest pê kirin 70 rojan li welatên cuda yên dinyayê bidomin.

Û em jî fotoyê ji wê şevê wekî fotoyê rojê pêşkêş dikin.
Va ye fotoyê rojê: