Amed 
Li Amedê di pêşengiya Şaredariya Bajarê Mezin a Amedê Osman Baydemîr de bi beşdariya 162 saziyan bi armanca alîkariya malbatên xizan bi navê, 'Dest nedin vekirin dest bidin hev' qampanya hate destpêkirin. Baydemîr ji bo qampanyaya ku tê hedefkirin her mehê alîkariyek rêk û pêk bide 13 hezar malbatan bang li hemû kesê kir ku piştgiriyê bide.

Komeleya Têkoşîna bi Xizaniyê û Pêşvebirinek Domdar a Sarmaşikê bi armanca alîkariya 13 hezar malbatên rewşa wan a aborî ne baş bi navê 'Dest nedin vekirin dest bidin hev' qampanyaya da dest pêkirin. Têkildarî qampanyayê bi Şaredariya Bajarê Mezin a Amedê Osman Baydemîr, nûnerên Platforma Demkorasiyê ya Amedê, Serokê DÎSÎD'ê Raîf Turk, Serokê Odeya Tabîban a Amedê Selçuk Mızaklı, Serokê Odeya Qesaban Saît Şanli, endamên Meclisa Giştî ya Bajarê Amedê, nunerên Baroya Amedê, sendîqayên girêdayî Turk-Îş, DÎSK û Cîgirê Waliyê Amedê Ahmet aydin, hîndekar, mirovên oldar, şaîr, nivîskaran û gelek karsazan li Mêvanxaneya Şaredariya Bajarê Mezin a Amedê daxuyaniyek hate dayîn.

Ji 5 malan 4 hewce ne

Daxuyaniyê bi nîşandana sînvîzyona têkildarî xebatên Sarmaşikê, xizaniya bajar û armanca komeleyê dest pê kir. Di sînevîzyonê de hate daxuyandin ku li Amedê ji 5 malan 3'yê wan mehê di bin hatiniyek di bin 350 YTL'yan de dixebitin. Her wiha hate derbirîn ku ji 5 malan 4 muhtacî alîkariyê ne. Piştî sînevîzyonê Baydemîr derbarê Sarmaşikê û qampanyaya 'Dest nedin vekirin dest bidin hev' de agahî dan.

'Em birîna 30 salan derman dikin'

Di berdewama axaftina xwe de Baydemîr derbirî ku qampanyayek girîng didin destpêkirin û wiha axivî: "Em hewil didin birîna şertên 30 salan derxistine holê derman bikin. Ev ne hêsan e. Komeleya Sarmaşikê di vî warî de gelek xizmetan dimeşîne. Li holê ku em bi rewşek çawa re rû bi rû ne. Rewşa aborî ya civakê li ber çavan e. Lazim e em mudahaleyî vê tablo û rewşê bikin. Niha 850 malbat ji Banqeya Gida ya Alîkariyê ya Sarmaşikê alîkariyê digire. Ev heşmar têrê nake. Heta niha hejmara malbatên serlêdan kirine gihiştiye 13 hezaran. Alîkariya saziyên li bajar dê dom bike. Lê ev yek têrê nake. Lazim e hemwelatiyên me alîkariya me bikin. Ez îro hem bi heyecan û hem jî bi metirsî me. Ku em mudahaleyî vê xizaniyê nekin, wekî niha di sekine na sekine. Ez bi heyecanim ji ber ku saziyên me yên li bajar li hemberî vê yekê xemsar nînin."

'Hûn jî dest dirêj bikin'

Baydemîr balkişand ser saziyên piştgiriyê dini qampanyayê û derbirî ku ligel van ger her kesek mehê 10 YTL'yan jî bide dê mehê alîkirayia 13 hezar malbatan bê kirin. Baydemîr wiha pêde çû: "Em ji bo alîkariya van malbata bê kirin 'Dest nedin vekirin dest bidin hev'. Lazim e hemû Amedî piştgiriyê bidin vê kampanyayê. Xebata me tenê ji bo alîkariya gida nîne. Her wiha di warê dîtina kar de jî dê hewildanên me çê bin."

'Min dev ji çixareyê berda, her meh 100 YTL didim Sarmaşikê'

Li ser mijarê Baydemîr derbirî ku wî 15 roj berî niha cigare berdaye. Baydemîr wiha got: "Min bi cigareyê hem xwe jehrî dikir û hem jî mehê 100 YTL'yê min diçû. Piştî min cigare berda min talîmat da banqeya miaşê min dirazîne ku her mehê 100 YTL razine hesaba Banqeya Gida ya Sarmaşikê. Lazim e hemû hemwelatiyên me heman tiştî bikin. Ji bo ku em dest nedin vekirin dest bidin hev ev lazim e."w

'162 sazi piştgiriyê didin'

Sekreterê Giştî yê Sarmaşikê Şerîf Camci jî derbraê armanca qampanyayê de agahî dan û wiha dirêjî da axaftina xwe: "Me Nexşeya Xizaniyê ya Bajar derxist. Her wiha me Projeya Gihandina Personelên Kalîfiye ya Gaza Xwezayî, Projeya Piştgiriya Perwerdehiyê pêk anîn. Cardin bi alîkariya Banqeya Gida ya Sarmaşikê em alîkariyê didin bi sedan malbatan. Qampanyaya me di 20'ê gulanê de dest pê dike û di 31'ê çile de bi dawî dibe. Niha ligel 44 saziyên nîvekarên me bi tevahî 162 sazî piştgiriyê didin xebatan. Armanca me ew e ku karsaz, esnaf, satankar, karmend û karkerên bikaribin bi awayek rêk û pêk piştgiriyê bidin. Em hedef dikin ku heta dawiya qampanyayê her mehê nêzîk 10 hezar kes hevgiriya saziyê bike û beşdarî qampanyayê bibe."

Di dawiya civînê de beşdaran alîkariya dê bikin aşkera kirin û derbirî ku dê bi riya banqeyê bigihînin Banqeya Gida a Sarmaşikê.

Ji DÎHA'yê hatiye girtin