Diyarname

Di Lîga Şampiyonan de kêm caran tiştên wisa çêdibin: Di nivîs fînalê de du tîmên îngilîz, du tîmên spanyolî hene û maça yekem êvara 26'ê mehê hate lîstin. Tam 7 gol hatin avêtin û Manchester City ji bo avarajê dê here Spanyayê.

ETIHAD HEJIYA

Di maça yekemîn a nîv fînalê ya Lîga Şampiyonan de tîma Manechester City tîma Real Madridê li mala xwe kir mêvan. Di maça li Stada Etihadê de tam 7 gol hebûn û yê serketinî Manchester City bû.

Di deqîqeya 2'yan de MC bi gola kaptanê xwe Kevin De Bruyne bi 1-0 derket pêş. Madrid hê di şoka vê de bû di deqîqeya 11'an de vê carê Gabriel Jesus encam bir 2-0'ê. Madridê di deqîqeya 33'yan de bi Karim Benzema bersiv da û nîveka yekemîn bi vî awayî bi dawî bû.

Di nîveka duyemîn de jî heyecan, gol û coş li pêş bû. MC'yê di deqîqeya 53'yan de bi Phil Foden encam bir 3-1'ê lê Madridê piştî vê bi du deqîqeyan bi Vinicius Junior got ez hê heme û ez maçê bernadim: 3-2.

Di deqîqeyên din de qayişkêşan dom kir. Dema dor hat karkerê her daîmî yê MC'yê Bernardo Silvia deqe 74 bû: 4-2. Gotina dawî di deqîqeya 82'yan de kaptanê Madridê Benzema bi penaltiyê got: 4-3.

DU ÎSTATÎSTÎK

Ji du xalên derketin pêş jî: Gola De Bruyne ku di saniyeya 93'yan de hate avêtin di nîv fînala Lîga Şampiyonan de wekî gola herî zû hatiye avêtin hate tomarkirin. Li aliyê din Real Madridê di dîroka xwe ya Lîga Şampiyonan de yekem car e di 11 deqîqeyan de 2 gol li keleha xwe dîtine.

NIHA WÊ ÇI BIBE?

Bersiva pirsa niha dê çi bibeyê ew e ku maça duyemîn hefteya pêşiya me, 4'ê gulanê li Stada Bernabeu ya Spanyayê tê lîstin. Real Madrîd ji bo here fînalê mecbûr e bi ser bikeve. Her serketin û wekhevî bi kêrî Manchester City tê.

MAÇA ÎRO

Di maça din a Lîga Şampiyonan a nîv fînalê de îro li Îngilistanê Liverpool û Villareal tên hemberî hev. Maça duyemîn a van roja 3'yê gulanê tê lîstin. 

Maça fînalê ya Lîga Şampiyonan roja 28'ê gulanê tê lîstin.