Diyarname

Tenîskaro sirp ê bi name û veng Novak Djokovic serê derzenî ay korona de reyna helwestê xwu zelal kerd û vat, “Derzenî bikerê mecbûrî ezo nêşorî tûrnûvayan.”

Tenîskar Novak Djokovic nêwazeno derzeney Covid-19 bido xwu ro. Demêke verî semedê ene joy nêşî tûrnûvaya grand slam a Avustralya. Tenîskar qeybî BBC xeberî dawo û vato: “Ez zana biryarê mi go bibo sedemê çi. Mi derzenî nêdawa xwu ro, loma zî ez enka nêşkena şorî zehf tûrnûvayan. Ez amade wa bedel bidî.”

Serê persey qeybî tûrnûvaya Fransa Akerdî û Wimbledonê zî ti go heman çî bikerê, ê vato erê, ez hedrî ya bedel bidî û ana dewam kerdo: “Ez dijê derzenî niya. Ez vînena ke heme dinya şar qeybî zorê enî vîrusî berê xebetêno û ez hêvî kena go eno vîrus leze biqediyo. Gere ew ten bi xwu weçîno ke çi enjekteyê vicûd bikerê. Heta enka mi ene jo parasto. Bwerî mi awa ke biryarê serê vicûdê xwu de ez dana û ene joy qezenckerdişê kûpayan ra muhîmtir o.” 

Djokovîç semedê derzenî nêşî Avustralya Akerdî. Reqîbê ê Rafael Nadal ê spanyayî di şampiyonî de bi ser kewt û bî 21 rey grand slame de bi ser kuno. Bi ene joy Nadalî tenîskar Djokovic û tenîsker Roger Federer derbas ker. Rekor kewt destê Nadalî.