Diyarname

Li dibistanan ji bo hilbijartina dersa kurdî 3 roj man. Îro agahiyên ku derketine pêş me dan hev:

QOSER

Li Qosera Mêrdînê ji bo hilbijartina dersa kurdî li hin dibistanan form nedan malbatan. Li hin dibistanan jî formên ku îdareyê bi xwe îşaret kirine hatin belavkirin. Egîtîm-Sena Mêrdînê eşkere kir ku li Dibistana Navîn a Suleyman Demîrel û Dibistana Navîn a Îstîklalê form li malbatan nehatine belavkirin û ji dêvla wan ve wan bixwe form dagirtine. 

Li aliyê din li Dibistana Navîn a Cumhuriyetê jî îdareyê bi xwe form dagirtine û li malbatan belav kirine. Egîtîm-Sena Mêrdînê got ku ev yek sûc û ewê dozê vekin.

ŞIRNEX

Li Şirnexê endamên KESK'a Şirnexê, endamên Egîtîm-Sena Şirnexê û endamên ÎHD'ya Şirnexê û Baroya Şirnexê bi hev re ji bo hilbijartina dersa kurdî broşur bealv kirin.

AYDIN

Li bajarê Aydina Tirkiyeyê li hin dibistanan beşa kurdî ji nav forman derxistin. Mebûsê HDP'ê yê Kocaeli Omer Faruk Gergerlioglu got ku li navçeya Efeler a Aydinê li hin dibistanan kurdî ji beşa dersên hilbijartî derxistine û berê xwendevaan dane dersên din. Gergerlioglu mesele bir ber Komîsyona Lêkolînê ya Mafên Mirovan a Meclisê.

TORA ZIMAN

Tora Ziman û Çanda Kurdî daxuyaniyeke nivîskî belav kir û bang li malbatan kir ku dersa kurdî hilbijêrin. Torê ku ev encama berxwedan û têkoşîna demekê ye, mafekî rewa ye û got; "Çawa ku me ji bo çêbûna şert û mercên dersên hilbijartî me xebata xwe kir û ji bo çêbûna şertên perwerdehiya bi kurdî em xebata xwe didomînin, em ji bo serlêdana dersên hilbijartî jî bixebitin û serî li dersên hilbijartî bidin."

PAK: PANKARTÊN ME QEDEXE KIRIN

Partiya Azadiya Kurdistanê (PAK) ragihand ku wan xwestiye li Yenîşehîr û Kayapinara Amedê ji bo dersa hilbijartîn pankartan daleqînin lê kayûmên van her du şaredariyan destûr nedaye.

HEWLDAN  DIDOMIN

Li aliyê din li bajarên din xebatên ji bo hişyarkirina ji bo hilbijartina dersên kurdî didomin. Heta 21'ê mehê dem heye ku malbat dikarin dersan hilbijêrin.

***

Nûçeyên Eleqedar:

- Saziyên sivîl ên li Ewropayê banga hilbijartina dersa kurdî kirin 

- Parêzerên li Stenbolê banga kurdî kirin 

- 6 baroyan jî ji bo kurdî bang kir 

- Berdevka HDP'ê Gunay bang kir: Dersa kurdî hilbijêrin

- Li ser 'Dersa hilbijartî ya kurdî' sê agahiyên nû

- Mamoste Nado: Bi lezgînî gere em dersên kurdî hilbijêrin 

** 

MAIL: diyarname@diyarname.com