Diyarname

FIFA şarê Zurihê Swîsre de bi merasimêke kaykerdoxê sere yê fûtbolî eşkera kerdî. Kaykerdoxê Bayer Munihî Robent Lewandowski zey Kaykerdoxê Sere hame weçînayişî. Hetê pîrekan de zî kaykerdoxa Barselona Aleksia Putellesa bî Kaykerdoxa Sere û xelatey xo girote.

Merasimê vilakerdixê xelatan navendey FIFA de hamî viratişî.  Teknîk dîrektorê tîmanê neteweyî û kaptanê înan, komêke endamê çapemenî ke hamey weçînayişî veng da. Înan kaykerdoxî weçînay. 

LEWANDOWSKI, MESSI Û SALAH

Hetê kaykerdoxanê serkewtan de hîrê berendamî bîbî: Lewandowski, Lionel Messi (PSG) û Muhammed Salah (Liverpool). Lewandowski wirdî tepiya verday û bi ser kewt. Lewandowski bi ene jo bî di serî pêsero ene xelate gêdo.

Hetê pîrekan de kaykerdoxa Barselona Aleksia Putellas bi ser kewte. Putellas bî yewîn kaykerdoxa Spanya ra ke ene xelate gêna.

TEKNÎK DÎREKTOR

Hetê teknîk dîrektoran de, teknîk dîrektorê Chelsea Thomas Tuchel bi ser kewt. Tuchel par bi tîmê xo Kûpaya Lîga Şampiyonan a UEFA girot bî. Tenê pîrekan de jî teknîk dîrektorey Chelsea Emma Hayes bi ser kewte. 

QELEPARÊZ

Hetê qeleparêzan de qeleparêza şîlî ra Christiane Endler (PSG/Olimpik Lyon) bî qeleparêza serkewtî ay sere. Hetê mêrdan de zî qeleparêzê Chelsea ê senegalî Edouard Mendy bi ser kewt.

11'Ê SERE

FIFA hem tîmê mêrdan, hem ê pîrekan de 11'ê serkewtey ê sere zî weçînay. 11'ên serkewtey ê pîrekan de enî hamey çewînayişî:

Qeleparêz: Christiane Endler (Şîlî)

Defans: Lucy Bronze (Îngilistan), Wendie Renard (Fransa), Millie Bright (Îngilistan), Magdalena Eriksson (Swêd)

Miyanê Seha: Estefania Banini (Arjantîn), Carli Lloyd (DYA), Barbara Bonansea (Îtalya)

Forwet: Vivianne Miedema (Hollanda), Alex Morgan (DYA), Marta (Brezîlya)

Hetê mêrdan de zî enî qeybî 11'ê serkewte hamey weçînayişî:

Qeleparêz: Gianluigi Donnarumma (Mîlan/PSG)

Defans: Ruben Dias (Manchester City), Leonardo Bonucci (Juventus), David Alaba (Bayern Munih/Real Madrid)

Miyanê Seha: N'Golo Kante (Chelsea), Jorginho (Chelsea), Kevin De Bruyne (Manchester City)

Forwet: Cristiano Ronaldo (Juventus/Manchester United), Erling Haaland (Borussia Dortmund), Lionel Messi ( Barcelona/Paris Saint-Germain), Robert Lewandowski (Bayern Munih)

GOLEY SERE: Erik Lamela bi formay Tottenhamî gole eyştebî Arsenalî. Goley ê bî goley sere û Xelatey Puskas ay FIFA girot.

XELATA FAIR PLAY: Ene xelate da Tîmê Neteweyî yê Danîmarka û komey tenduristî yê tîmê înan. Di maçe de Christian Eriksen nêweş kewyt bî û komey tenduristî miyanê seha de bi deqeyan mudexele kerd bî.

XELATA TEMAŞEKERDOXAN: Di maçey Danîmarka-Finlandiya de wexto Eriksen nêweş kewt bî temaşekerdoxanê wirdî tîman bi yew veng qeybî ê tezahurat kerd bî. Ene xelate da temaşekerdoxanê wirdî tîman.

XELATA TAYBETE AY PÎREKAN: Ene xelate da kaykerdoxe Christine Sinclair. Sinclair ke Kanada ra wa, di maçanê miyanneteweyan de tam 188 golî eyştî û rekor şikit.

XELATA TAYBETE AY MÊRDAN: Semedo Cristiano Ronaldo di tîmê neteweyî de bî kaykerdoxo tewr zehf golî eyştê ene xelate girote.